28 Nov 2019 02:17

inkhel

MPL khel tur FC Bethlehem

November ni 28, Ningani khan tual chhung football inelna sang ber Mizoram Premier League (MPL) khel tur zawnna Kanan FC leh FC Bethlehem te inkhelah FC Bethlehem chuan 2-0 a Kanan FC hnehin season tharah MPL an khel dawn ta a ni.

Team pahnih te hi first leg-ah goal awmlo in an inhneh tawk a, second leg-ah erawh FC Bethlehem an chungnung zawk. A vanduai zawk Kanan FC hian MPL season pasarihna nen playoff ankhel ang.

12:00 PM Kanan FC 0-2 FC Bethlehem

(Lalnunzira Sailo 41', F Lalnuntluanga 59')

Goal lut te hi first half leh second half alut an ni a, FC Bethlehem tan Lalnunzira Sailo leh F Lalnuntluanga chuan goal khat ve ve an khung.

First half-ah goal khat alut a, huntawp dawn minute 4 ala awmin V Lalruatsanga leh bench atanga lut F Lalnuntluanga thawhrah sengin Lalnunzira Sailo chuan an hmahruaina goal akhung a, FC Bethlehem chuan 1-0 a hmahruaiin chawlhlawk an hmang zui ta a ni.

Second half-ah goal khat aluh belh bawk. FC Bethlehem chuan minute 59-ah an hun tha neih hmangtangkaiin bench atanga lut F Lalnuntluanga chuan mual veilam nox pawn chiah atangin an goal hnihna a khung. Hun tawp thlengin Kanan FC hian an siphurh an sut thei tawh lo a, FC Bethlehem chuan 2-0 in hnehna an chang ta a ni. 

(adsbygoogle = window.adsbygoogle || []).push({});