​MPL Final en turte tana hriat turte

13th December 2015, 11:12PM

December 15 (Thawhlehni) zan dar 7:30PM a Lammuala MPL4 Final, Aizawl FC leh Chanmari FC in an khelh turah MPL Board chuan hetiang hian ruahmanna a siam.

1. MPL Final thlir lawkna Press Conference Aizawl Press Club ah Dec 14 chhun dar 12:00 hian an neih a ni ang. Aizawl FC leh Chanmari FC aiawhte an inlan ang.

2. MPL Final-ah Chief Minister Pu Lal Thanhawla'n Lammuala inkhel a en tur a tichiang tawh a, lawmman a sem ang. New Delhi atanga lo kal tur AIFF Technical Director Scott O Donell nen lawmman an sem ang.

3. Finalist team te ticket 800 ve ve pek an ni ang.

4. Final inkhel enna ticket hi lucky ticket a ni dawn. 1st Prize LED TV a ni a, 2nd to 4th Prize Samsung smartphone a ni, Samsung 3:16 Plan Solution in a pe ang. Mi vannei 20 in Mizoram state team Jersey an dawng ang.

* Ticket hi Rs 100 man a ni. kum 14 hnuai lam leh Kum 60 chung lam tan a 'FREE' in inkhel a en theih thung ang.

5. MPL Final en turte chu zan dar 7:15-ah thu fel vek hman tawh tura beisei an ni. Gate a innek buai pumpelhna tura tih a ni.

MPL Board chuan MPL Final en Turin mi zawng zawng a sawm e

Copyright © inkhel.com 2024. All rights reserved.