McDowell's no. 1 Soda MPL 4 chu a hmawrbawk a ni dawn ta a, 11/12/15 zan 7:30 PM a semi-final 2nd leg inkhel hnuhnung zawkah 1st leg a goal awm lova inhnehtawk tawh BVTFC leh CFC te chu inhmachhawnin, CFC chu chu vannei zawkah an tanga, MPL1 best player R.Laldanmawia goal khat hmanga hnehna changin 15/12/15 hian final ah Aizawl FC an hmachhawn dawn ta a ni.
Bethlehem Vengthlang FC 0-1 Chanmari FC
(R.Laldanmawia 90+1')
(Agg. 0-1)
Line up
Bethlehem Vengthlang XI: H Lalremruata, R Laldinliana, MS Dawnhzela, Lalmuanawma, Ramfangzauva, K Lalthathanga, Lalruatdika, Zaithanmawia, Laldingngheta, Lalruatfela, Lalrammawia,
Chanmari FC XI: F Lalmuanawma, Joseph Lalnunpuia, Lalhriatrenga, R Laldanmawia, Vanlalthlamuana, Lalrinchhana Tochhawng, Lalrozama Fanai, Reuben Zosangpuia, Ramengmawia, Malsawmfela, Lalnunmawia
Inkhelh thawhkhatna tan tirh phat atangin inkhel a tang nghal at at hle a, CFC in Sawmfela hmangin chance nei hmasa zawk mahse BVT an che tha tluan zawka, inkhel thununin an game khelh pawh a mawi hle.
First half ah chance hmuh tur a tam lova, half time a nih hma minute nga la awmah na tak takin BVT in CFC an nawra, half chance tia sawi theih pawh an nei hman nual. CFC khelin minute 30 hnu lamah awmzia a nei chauh emaw tih tur a ni a, inkhelh thawhkhatna ah a hnuaihnung zawkah an tang tluan tia sawi theih a ni bawk.
Inkhelh thawhnihna boruak erawh a danga, additional time a Danmawia tauh goal chu goal awmchhun leh chakna goal a ni ta a ni. Inkhelh tan tirhah Mawitea hmangin CFC in clear chance an nei nghala, hmahruaina goal a thun mai dawn emaw tih tawh hnuah ho takin a chhuah a, BVT an him hlauh.
Bul tan tha zawk CFC in chance an nei chhunzawma, chu an chance hmuh chu uiawm takin Thlamuana chuan a tauh goal lo leh hlauh. Second half a BVT chance hmasa ber tia sawi theih Ramfangzaua chuan a neia, a shot kawh zet mai chu goal kham chungah a thlawka, R.Lalrinsanga pawhin freekick atanga ball kal zel chu hmun leh hmunah ho zet maiin a tauh goal lo hram bawk.
83' a liam tihah CFC lamin Johny-a hmangin chance an hmu leha, cross ball tha lutuk atanga a chance hmuh chu a thelh ve leh hlauh a ni. Goal awm lova inkhel a tawp mai dawna a lan lai, hun pangngai a zawh tawh hnu, hun pek belhah CFC chuan freekick an hmua, BVT keeper H.Lalremruat-a'n freekick ball a nam chhuah sual chhawrin CFC chuan final luhna goal chu Danmawia tauh goal atangin an nei a, hun pek belh a tawp chhunzawma, CFC chu vannei zawkah an tang ta a ni
pictures credit : PC Lala