Zote Honda Mizoram Premier League (MPL) Season 9 Semifinal second leg chu November ni 25, 2022 (Zirtawpni) zan khan RG Stadium, Mualpuiah khelh a ni a, FC Venghnuai chuan 1-0 in Aizawl FC an hneh. First Leg-ah team pahnih te hi 3-3 in an inhneh tawk a, aggregate-ah FC Venghnuai chuan 4-3 a hnehna changin final an lut ta a ni.
Semifinal second Leg match hnuhnung zawk hi November ni 26, Inrinni zan dar 7:00-ah Chawnpui FC leh Chhinga Veng FC ten an khel ang. Chawnpui FC hian first Leg-ah 2-0 in hnehna an chang tawh.
7:00AM FC Venghnuai 1-0 AIzawl FC
(H Lalrempuia 26')
Mom: H Lalrempuia
Semifinal First Leg-ah team pahnih te hi chak zawk awmlo in 3-3 in an inhneh tawk a, second leg-ah erawh FC Venghnuai chuan Rempuia goal khat hmangin hnehna an chang ta a ni.
He inkhelah hian Venghnuai tana goal khungtu Rempuia chu man of the match-ah thlan zui a ni. First hlaf-ah team pahnih te an innawr tawn zak zak hnuah Aizawl FC defender Amawia chuan goal thunna hun tha neiin box pawn chiah a tanga a shot tha zet chu Venghnuai keeper Ramchhana chuan a dan sak.
Minute 26-ah Venghnuai hian an hun tha neih an hmang tangkai thung. Captain Vanlalthanga corner pet tha zet chu box a awm defender Rempuia chuan tauh lutin an hmahruaina a khung.
Aizawl FC hian an siphurh sutna hun tha vawi thum lai neiin Dawngtea leh Rosanga shot tha zet chu a goal dawn nia a lan laiin Venghnuai keeper Ramchhana'n a dan sak ve ve a, Rosanga'n box chhung chiah a tanga a shot tha zet chu a goal dawn nia a lan laiin Venghnuai midfielder Hima chuan a pet chhuak hman. Goal luh belh lo in chawlhlawk an hmang zui ta a ni.
Second half-ah Aizawl FC hian nawr viau mahse Venghnuai defender te an paltlang thei lo. Aizawl FC hian inkhel thunun zawkin goal thunna hun tha nei zui nual mahse Venghnuai an tang tluan thei. Aizawl FC midfielder Rosanga'n vawihnih goal thunna hun tha a neih a hmang tangkai thei lo a, Tharpuia pawhin vawihnih goal thunna hun tha a neih chu a hmang tangkai thai lo bawk.
Venghnuai hian chak an phu a, tantu an nei tha bawk. Huntawp thlengin an goal an humhim thei a, a vawikhat nan final an lut ta a ni.