Mizoram Premier League (MPL) Season 8 chu September ni 5, Ningani zan khan AR Lammualah KickOff a ni a, Mizo footballer zinga thleng sang ber Jeje Lalpekhlua chuan a kickoff a ni.
MPL 8 kickoff zan hian Cub tin model ten mahni club Jersy pholanna an nei a, player ten thutiam an chham bawk. Tin, Grassroots football drill bakah Traditional & Contemporary dance leh zaithiam Jerry, Dj-i, Amtea, Feli Fanai, Jaui, Michelle Varte leh Kkm Kima te zai angaihnawm a, mit leh beng a tlai hle.
MPL-ah hian team pariat Aizawl FC, Chhinga Veng FC, Mizoram Police FC, Chanmari FC, Electric Veng FC, Chawnpui FC, Ramhlun North FC leh FC Venghnuai ten inelna an hmachhawn ang a, vawihnih theuh an inkhelh kual hnuah point hmusang pali ten semifinal an khel ang.
MPL 8 Round 1 Match hmasa ber Electric Veng FC leh kaithar FC Venghnuai te an inkhel nghal a, team pahnih te hi I Day Football Tournament final-ah in hmachhawn tawhin Electric Veng FC hian 2-1 a hnehna changin an champion a, MPL season 8-ah erawh chak zawk an awm lo. He inkhelah hian FC Venghnuai forward Vanlalthanga chu Man of the match-ah thlan a ni.
08:30 PM Electric Veng FC 1-1 FC Venghnuai
(Israel Laldingngheta 10', (OG) (Vanlalthanga 82')
MoM: Vanlalthanga, FC Venghnuai
Inkhel tan a ni a, team pahnih te an intluk tawk hle. An innawr tawn zak zak hnuah Electric Veng FC chuan goal an khung hmasa ta zawk a, minute 10-ah defender Lalnunmawia ball vawrh luh tha zet chu FC Venghnuai defender Israel Laldingngheta chuan an lamah a tauh lut palh hlauh. Electric Veng FC chuan 1-0 in hma an hruai ta a ni.
FC Venghnuai pawhin an siphurh sutna thunna hun nei mahse, midfielder Lalhmunsiama chuan a hun tha a hmangtangkai thei lo a, mual dianglam sirah forward Vanlalthanga che a hmuhnawm a, box-ah ball vawrh lut thin mahse, Isak Vanlalpeka chuan goal-ah a chantir thei lo.
Electric Veng FC pawhin goal thun belhna hun tha neiin midfielder Zawnhmingthanga chuan box-ah ball tha a hmuh chu goal-ah a chantir dawn nia alan laiin FC Venghnuai keeper RS Lallawmzuala chuan a dang hman hlauh a, first half huntawp dawnah minute 5 ala awmin Electric Veng FC tan Zawnhmingthanga chuan goal khung mahse referee chuan offside a ham hman a, goal luh belh lo in Electric Veng FC chuan 1-0 a hmahruaiin chawlh lawk an hmang zui ta a ni.
Second half-ah FC Venghnuai insiam thain inkhel thunun zawk mahse Vanlalthanga leh Isak Vanlalpeka chuan Electric Veng FC defender te an paltlang thei mai lo a, Electric Veng FC pawhin goal thun belhna hun tha nei ve bawkin bench atanga lut midfielder Jacob Lalrawngbawla chuan box-ah ball vawrh lut thin mahse, Vanlallawma leh Ramhlunchhunga chuan goal-ah an chantir thei bik lo.
Goal luh belh tawh lo in Electric Veng FC chuan 1-0 in hnehna an chang mai dawn emaw tih hnu hun tawp dawn minute 7 ala awmin freekick atangin Vanlalthanga chuan mawi takin an siphurh sutna goal a khung. Team pahnih ten hnehna chan zawk nih an tum ruh hle a, an innawr tawn leh zak zak. Goal erawh a lut lo. Huntawp dawn added time-ah FC Venghnuai defender Lalmuanawma hnawhchhuah ni mahse, Electric Veng FC chuan an tam zawkna an hmang tangkai hman bik lo a, chak zawk awmlo in khelmual an chhuah san ta a ni.
(adsbygoogle = window.adsbygoogle || []).push({});