Mizoram Premier League (MPL) Season 8 Round 4 match hmasa ber October ni 8, Zirtawpni ni tlai Chawnpui FC leh kai thar FC Venghnuai inkhelah chak zawk awmlo in 1-1 in an inhneh tawk a, point khat ve ve an hlawh chhuak. He inkhelah hian Chanwpui FC goalkeeper Vannunmawia chu Man of the match-ah thlan a ni.

FC Venghnuai hian khelh tawhah Electric Veng FC leh Chhinga Veng FC an draw hnuah Ramhlun North FC an hneh a, Chawnpui FC draw leh in point 6 an nei mek a, Chawnpui FC hian point 1 an nei ve bawk.

04:00 PM Chawnpui FC 1-1 FC Venghnuai

(Moody Lalawmpuia 68')(Vanlalthanga 24')

MoM: Vannunmawia, Chawnpui FC

First half-ah FC Venghnuai chuan inkhel thunun zawk mahse, Chawnpui FC chuan goal thunna hun tha an nei hmasa zawk a, Lalnunmawia (Mawite) free kick FC Venghnuai keeper Lawmzuala danper chu Larry Lalrinawma chuan a pet goal dawn nia alan laiin goal sirah chiah a kal.

FC Venghnuai pawhin goal thunna hun neiin midfielder Lianzuala chuan a hun tha a hloh hnuah box chhung chiah atanga forward PC Zosangaliana shot tha zet chu Chawnpui FC keeper Vannunmawia chuan a dan sak. Minute 42-ah FC Venghnuai chuan an hun tha neih hmang tangkaiin mual dinglam sir box chhung chiah atangin Vanlalthanga chuan chiang zetin an hmahruaina a khung.

Chawnpui FC pawhin an siphurh sutna hun tha neiin Lalnunmawia (Mawitea) leh Lalnunpuia (Bawihpuia) chuan an hin tha an hmang tangkai thei lo. FC Venghnuai pawhin goal thun belhna hin tha neiin first half huntawp dawnah Vanlalthanga leh C Zosangliana chuan annhun tha neih an hmang tangkai thei lo a, FC Venghnuai chuan 1-0 a hmahruaiin hun chanve an hmang zo.

Second half-ah goal hlauhawm hmuh tur tamlo mahse, Chawnpui FC chuan chawlhkawl an hmang tha tih a hriat nghal a, minute 68-ah Moody Lalawmpuia chuan bix chhung chiah tangin an siphurh sutna goal a khung.

Chanwpui FC chuan inkhel thunun zuiin goal thun belhna hun tha vawihnih an nei zui a, Moody Lalawmpuia leh Lalnunpuia (Bawihpuia) chuan box-ah ball tha hmu mahse, FC Venghnuai keeper Lawmzuala tan hna hautak erawh an siam lo. Huntawp dawnah FC Venghnuai chuan goal thun belhna hun tha an nei a, box chhungah bench atanga lut Rodinthara shot tha zet chu Chawnpui FC defender Remruatpuia chuan a dang hman hlauh a, Chawnpui FC an him hram.

Huntawp thlengin goal a luh belh lo a, chak zawk awmlo in 1-1 in an inhneh tawk ta a ni. FC Venghnuai hian October ni 10, Ningani tlai dar 4:00-ah Chanmari FC an hmachhawn ang a, zan dar 7:00-ah Chawnpui FC hia Aizawl FC an hmachhawn ang.

(adsbygoogle = window.adsbygoogle || []).push({});