Mizoram Premier League (MPL) Season 8 Round 5 match hmasa ber October ni 10, Ningani tlai Ramhlun FC Venghnuai leh Chanmari FC inkhelah Chanmari FC chuan 2-1 a FC Venghnuai hnehin point 3 an hlawh chhuak. He inkhelah hian Chanmari FC midfielder H Lalmuankima chu man of the match-ah thlan a ni. Chanmari FC hian point 8 neiin table-ah pathumna an ni rih a ni.

04:00 PM FC Venghnuai 1- 2 Chanmari FC

(Lalhmangaiha 13') (Lalrinchhana Tochhawng 5', Lalruatfela 19' (OG)

MoM: H Lalmuankima, Chanmari FC

FC Venghnuai XI: RS Lallawmzuala (GK) Vanlalthanga, Malsawmtluanga Ralte, Lalmuanawma, Lalruatfela, Laldampuia, Lalhmangaiha, Isak Vanlalpeka, Israel Laldingngheta, Thangzawmsanga, PC Zosanngliana

FC Venghnuai XI

Chanmari FC XI: Zothanmawia (GK) Abel Lalruatfela, Thomas Lalengkima, Lalrinchhana Tochhawng, Lalremruata, Lalruatfela, H Lalmuankima, Lalrammuanpuia, David Lalrinmuana, Vanlalnghenga, MS Dawngliana

First half-ah ruah sur nasa vangin team pahnih te an fimkhur dun hle a, Chanmari FC chungnung zawkah tangin an hun tha neih an hmang tangkai nghal a, minute 5-ah Man of the match-a thlan H Lalmuankima corner pet tha zet chu box chhunga awm Rinchhana chuan tuah lutin an hmahruaina a khung. Chanmari FC chuan nawr chhunzawmin H Lalmuankima'n box pawn chiah atangin goal thunna hun tha nei mahse, FC Venghnuai keeper Lawmzuala'n a dan sak.

FC Venghnuai chuan nawr letin an hun tha neih an rawn hmang tangkai ve bawk. Minute 13-ah Vanlalthanga ball pek chu Lalhmangaiha chuan box-ah lalutin a chhuih lut a, an siphurh a rul.

Chanmari FC chuan annawr let nghal; mual veilam sir atanga H Lalmuankima ball vawrh luh chu FC Venghnuai defender Lalruatfela chuan pet sualin an lamah a pet goal hlau. Minute 19 chhungin goal thum alut hman a, Chanmari FC chuan 2-1 in hma an hruai zui ta a ni.

First half huntawp dawnah Chanmari FC forward Remruata'n box pawm chiah atanga a pet chu goal chungah akal a, goal luh belh lo in Chanmari FC chuan 2-1a hmahruiin hun chanve an hmang zo.

Chanmari FC XI

Second half-ah goal hlauhawm hmuh tur a tam lo a, chhumzing vangin a huntakah tan theih a ni lo. Inkhel tan a nih hnuah Chanmari FC chungnung zawkah tangin mual veilam sir box chhung chiah atanga H Lalmuankima shot tha zet chu a goal dawn nia alan laiin FC Venghnuai keeper Lawmzuala'n a dangt hman a, Remruata'n a hun tha a hloh zui bawk.

FC Venghnuai pawhin counter attack-in nawr let mahse, bench atanga lut forward Muanzova leh Isak Vanlalpeka chuan Chanmari FC defender te an paltlang thei lo a, goal luh belh lo in huntawp an hmang zui ta a ni. October ni 18, Zirtawpni round 6 hi Kolasib khelmualah khelh tur a ni a, FC Venghnuai hian Aizawl FC an hmachhawn ang a, Chanmari FC hian Chawnpui FC an hmachhawn ang.

(adsbygoogle = window.adsbygoogle || []).push({});