Mizoram Premier League (MPL) Season 8 final chu December ni 14, Inrinni zan I League Club Aizawl FC leh Electric Veng FC te inkhelah Aizawl FC chaun 2-0 a Electric Veng FC hnehin an champion a, vawili nomawi an chawi tawh a ni.

07:30 PM Aizawl FC 2-0 Electric Veng FC

(Isak Vanlalruatfela 19', F Lalremsanga 62')

Team pahnih te hi league round-ah vawihnih intawng tawhin an intawn hmasa zawkah goal awmlo in an inhneh tawk a, an intawn vawihnihnaah Aizawl FC hian 2-0 in an hneh a, an intawn vawithumna final-ah Aizawl FC bawk chungnung zawkah an tang leh ta a ni.

First half-ah goal khat alut a, second half-ah goal khat aluh belh bawk. Goal hmasa ber hi inkhel tan atanga minute 19-ah William Lalnunfela thawrah sengin Isak Vanlalruatfela chuan a khung. Electric Veng pawhin an siphurh sutna hun nei mahse, forward Vanlallawmtluanga chuan Aizawl FC keeper Lalremruata (Arema) chiah ahmachhawn hnuah Arema chuan adan sak. Second half-ah Aizawl FC chuan Inkhel thunnun chhunzawmin F Lalremsanga leh William Lalnunfela shot tha zet chu Electric Veng keeper Muansanga'n adan sak. Aizawl FC chuan minute 62-ah F Lalremsanga hmangin an goal hnihna an khung. Electric Veng chuan an siphurh hi huntawp thlengin an sut thei tawh lo a, Aizawl FC chuan 2-0 in hnehna an chang zui ta a ni.

Lawman

Champion : Aizawl FC, Rs 600,000/-Trophy

Pahnihna : Electric Veng FC, Rs 330,000/-

3rd Position :Mizoram Police FC Rs 2,20,000/-

3rd Position : Chhinga Veng FCRs 2,20,000/-

5th Position : Chanmari FCRs 1,35,000/-

6th Position : Chawnpui FCRs 1,10,000/-

7th Position : FC VenghnuaiRs 85,000/-

8th Position : Ramhlun North FCRs 60,000/-

Fair Play: Chawnpui FC, Rs 20,000/-

Mimal Lawmman

Best Player : Alfred Kemah Jaryan, Aizawl FC, Rs 5000/- Trophy & MI TV Mi Mijia Enterprise

Best Midfielder : Alfred Kemah Jaryan, Aizawl FC, Rs 5000/-Trophy

Best Forward : Isak Vanlalruatfela, Aizawl FC, Rs 5000/- Trophy

Top Scorer : MC Malsawmzuala, Chhinga Veng FC, Rs 5000/- Trophy

Best Goalkeeper : Lalremruata, Aizawl FC, Rs 5000/- Trophy

Best Defender : Juuko Richard Kassaga, Aizawl FC, Rs 5000/- Trophy

(adsbygoogle = window.adsbygoogle || []).push({});