​MPL 7 Under 18 Final-ah Chhinga Veng leh Mizoram Police

21st November 2018, 04:11AM

November ni 20, Thawhlehni zan khan Mc Dowell's No 1 Soda Mizoram Premier League (MPL) Under 18 semifinal khelh a ni a, Chhinga Veng FC leh Mizoram Police FC chuan an khingpui ve ve hnehin final an lut ta a ni. Final hi November 22, Ningani chawhnu dar 2:00-ah khelh a ni ang.

Semifinal inkhel hmasa zawk Chhinga Veng FC chuan 5-1 in Chanmari FC an sawp. Chhinga Veng tan F. Lallawmkima chuan goal hnih a khung a, F. Lalnuntluanga Lalramhmachhuana leh C. Lalchungnunga ten goal khat theuh an khung bawk. Chanmari FC tan F. Lalhruaitluanga chuan goal khat a khung ve bawk.

05:30PM Chhinga Veng FC 5-1 Chanmari FC

(F. Lallawmkima 4', 6', F. Lalnuntluanga 52', (P) Lalramhmachhuana 62', C. Lalchungnunga 80') (F. Lalhruaitluanga 89')

Goal lut te hi first half leh second half-a lut an ni a, first half-ah Chhinga Veng chuan goal hnih an khung. Inkhelh tan a tang a, minute 6 aral hmain F. Lallawmkima chuan goal hnih a khung a, goal lut te hi Lalbiaknia siam sak ve ve an ni.

Second half-ah goal li zet a lut leh a, Chhinga Veng tan F. Lalnuntluanga chuan penalty atangin an goal thumna a khung hnuah F. Lalnuntluanga ball vawrh luh tha zet chu Lalramhmachhuana chuan mawi tak a pet lutin an goal li na a khung zui leh bawk. Huntawp dawn minute 10 ala awmin Chhinga Veng tan box pawn chiah mual dinglam sir atangin C. Lalchungnunga chuan an goal nga na a khung zui leh a, Huntawp nan minute 1 ala awmin Chanmari tan F. Lalhruaitluanga chuan an goal khatna a khung a, hun a tawp zui nghal. Chhinga Veng chuan 5-1 in hnehna an chang ta a ni.

Semifinal inkhel hnuhnungah Mizoram Police FC chuan 2-1a Aizawl FC hnehin final an lut ve bawk. Mizoram Police tan Lalmuankima leh NG Laldinpuia chuan goal khat ve ve an khung a, Aizawl FC tan Techi Tatra chuan goal khat a khung ve bawk.

07:30PM Aizawl FC 1-2 Mizoram Police FC

(Techi Tatra 55') (Lalmuankima 44', NG Laldinpuia 80')

Goal lut te hi first half leh second half-a lut an ni a, first half huntawp dawn minute 1 ala awmin Mizoram Police tan NG Laldinpuia ball pek tha zet chu box chhunga awm Lalmuankima chuan chiang zet a pet lutin an hmahruaina a khung a, goal luh belh lo in chawlhlawk an hmang zui ta a ni.

Second half tan a tang a, minute 10 aral hmain Aizawl FC tan box chhung chiah a tang a Techi Tatra shot tha zet chu Mizoram Police keeper H. Lalrintluanga chuan dangperin ball per let chu Techi Tatra chuan goal-ah chantir zuiin an siphurh a rul. Mizoram Police chuan huntawp dawn minute 10 ala awmin goal an khung belh leh a, he goal hi box pawn chiah mual veilam sir a tang a NG. Laldinpuia khung a ni. Aizawl FC chuan an siphurh hi an sut thei tawh lo a, Mizoram Police chuan 2-1in hnehna chang ta a ni.

(adsbygoogle = window.adsbygoogle || []).push({});

Copyright © inkhel.com 2024. All rights reserved.