29 Nov 2018 11:06

inkhel

​MPL 7 Chhinga Veng FC-in Final an lut

Semifinal first leg-ah Chhinga Veng hian 1-0 in Chanmari an hneh a, November ni 29, Ningani zan Mizoram Premier League semifinal second leg-ah Chhinga Veng hian 1-0 bawkin hnehna an chang leh a aggregate-ah Chhinga Veng chuan 2-0 a hnehna changin final an lut ta a ni. He inkhelah hian Chhinga Veng FC midfielder Lalmuamsanga chu Man of the match-ah thlan a ni. Aizawl FC leh Mizoram Police FC te hian December ni 1, Inrinni zan dar 7:30-ah Semifinal second  leg an khel leh ang a, final lut a hriat tawh ang.

07:30 PM Chhinga Veng FC 1-0 Chanmari FC

(C. Lalmuanawma (OG) 2')

MoM: Lalmuansanga, Chhinga Veng FC

Goal awm chhun hi first hlaf a lut a ni a, Chanmari defender C. Muana chuan an lamah a ti goal a ni. Inkhel tan a ni a, minute 2-na lekah Chhinga Veng chuan sikhat faiin hmaanhruai nghal. Mual dinglam sir a tang a MS Dawngliana (Dawngtea) shot tha zet chu Chanmari defender C. Muana chuan an lamah a dang goal. Chanmari chuan nawr let nghalin an siphurh sutna hun tha annei zui a, Lalnunzama ball pek tha zet box chhung atangin Vanlalbiaa Chhangte chuan goal ban a pet per a, Lalrintluanga pawhin hnai tak atangin goal ban a pet per bawk.

First half huntawp dawnah Chhinga Veng chuan goal thun belhna hun neiin Romawia ball pek tha zet chu box chhung atangin MS Dawngliana chuan goal sirah chiah a pet a, goal dang luh belh lo in Chhinga Veng chuan 1-0 a hmahruaiin chawlhlawk an hmang zui ta a ni.

Second half-ah Chanmari chuan hnehna chan ngei tumin coach Chawngthansanga chuan Laldampuia leh MC Malsawmzuala te a luh tir a, an goal nawr pawh ana sawt. Mual veilam sir atangin Dampuia chuan box-Lalnunzama tan ball pek tha zet chu Lalnunzama chuan goal-ah a chantir thei lo a, C. Muana ball vawrh luh tha zet chu MC Malsawmzuala chuan goal sirah chiah a tauh zui bawk.

Huntawp dawnah Chhinga Veng chuan goal thun belhna hun an nei a, MS Dawngliana ball vawrh luh foreigner forward Geth Arthur Diomande tauh tha zet chu Chanmari keeper MS Dawnga chuan a dan sak a, goal luh belh tawh lo in Chhinga Veng chuan 1-0 in hnehna an chang zui ta a ni.

(adsbygoogle = window.adsbygoogle || []).push({});