Mc Dowell's No 1 Soda Mizoram Premier League (MPL) Season 7 League round hnuhnung ber chu khelh zawh a ni a, semifinal lut a hriat kim ta a ni. November ni 17, Inrinni zan khan inkhel hmasa zawk semifinal lut chiang tawh table pakhatna Chhinga Veng FC leh Table mawngphah a awm mek Bethlehem Vengthlang inkhelah Chhinga Veng chuan 4-0 in Bethlehem Vengthlang an sawp. Chhinga Veng tan MS Dawngliana chuan hattrick a siam a, Hmingthanmawia chuan goal khat a khung ve bawk.

1. Chhinga Veng FC

Chhinga Veng hian point 32 neiin hmahruatu an nih chhunzawm a, Bethlehem VT hian point 8 neiin pariatna an ni a, season tharah an hmel kan hmu dawn ta lo a ni. Aizawl FC hian point 25 neiin pahnihna an ni a, Mizoram Police hian point 21 neiin pathumna an ni a, Chanmari FC hian point 21 bawk neiin head to head-ah Mizoram Police an phak lo a, palina an ni.

2. Aizawl FC

Inkhel hnuhnungah Chanmari hian semifinal lut chiang tawh table pahnihna I League club Aizawl FC anhmachhawn a, semifinal lut turin chak ngei ngei an ngai a, hnehna an chang lo anih chuan Electric Veng hian semifinal khel tur an nih laiin Chanmari FC chuan Laldampuia goal khat hmangin I League Club Aizawl FC anhneh a, point 21 neiin palina an ni a, semifinal an khel dawn ta a ni.

Semifinal lut chiang ve ve Chhinga Veng leh Aizawl FC te hian November ni 19, Thawhtanni zan dar 7:00-ah Aizawl FC ten I League an khelh a vang a khelh hmabak an la neih an khel zo ang a, Aizawl FC hian hnehna chang mahse table erawh a khawih danglam pha tawh lo.

3. Mizoram Police FC

Ramhlun North FC hian point 11 neiin pasarihna an ni a, ADFA I Division champion Aizawl FC Academy ten MPL an khel thei lo a, pahnihna Kanan FC leh pathumna FC Venghnuai te nen playoff an khel ang a, an inpet tlin chuan season tharah MPL an khel leh ang.

Semifinal hi first Leg leh second Leg khelh tur a ni a, first leg hi November ni 22, Ningani zan dar 7:00-ah Chhinga Veng FC leh Chanmari FC ten semifinal match hmasa ber an khel ang a, November ni 8, Zirtawp zan dar 7:00-ah Aizawl FC leh Mizoram Police FC hian semifinal an khel ang.

Second Leg hi November ni 28, Nilaini zan dar 7:00-ah Chanmari FC leh Chhinga Veng FC ten an khel ang a, November ni 29, Ningani zan dar 7:00-ah Mizoram Police FC leh Aizawl FC ten an khel leh ang.

4. Chanmari FC

November ni 17, Inrinni zan Results

05:30 PM Chhinga Veng FC 4-0 Bethlehem Vengthlang FC

(MS Dawngliana 9', 20', 73', Hmingthanmawia 90+2')

08:00 PM Chanmari FC 1-0 Aizawl FC

(Laldampuia 86')

(adsbygoogle = window.adsbygoogle || []).push({});