02 Dec 2018 12:22

inkhel

​MPL 7 Aizawl FC-in Mizoram Police FC hnehin Final an lut

Semifinal first leg-ah I League club Aizawl FC hian 2-1 in Mizoram Police an hneh a December ni 1, Inrinni zan Mizoram Premier League season 7 semifinal second leg-ah chak zawk awmlo in 2-2 in an inhneh tawk thung a, aggregate-ah 4-3 in Aizawl FC an chak a, Chhinga Veng FC nen final an khel dawn ta a ni. Aizawl FC hian I League an khelh dawn avangin final khelh hun hi December ni 18, Thawhtanniah sawn a ni ta a ni.

07:00 PM Mizoram Police FC 2-2 Aizawl FC

(Lalfakzuala 9', R. Malsawmtluanga 57') (Rochharzela 16', K. Lalhmangaihkima 27')

MoM: F. Lalremsanga, Aizawl FC.

Team pahnih te hi an intluk tawk hle a, first half-ah goal thum zet a lut a, Second half-ah goal khat a luh belh bawk. Goal hmasa ber hi inkhelh tan a tang a minute 9-ah a lut a, Mizoram Police tan box pawn chiah a tang a forward Fakzuala shot tha zet chu Aizawl FC keeper Awmpuia veilam sir kilah mawi tak a lutin an hmahruaina a khung.

Aizawl FC pawhin an hun tha neih hmang tangkaiin minute 16-ah Lalremsanga ball pek tha zet chu box chhunga awm Rochharzela chuan mawi tak a pet goal-in an siphurh a rul. Aizawl FC chuan nawr chhunzawmin minute 27-ah box pawn chiah a tang a midfielder Alfred Kemah Jaryan shot tha zet chu a goal dawn nia alan laiin goal ban a per a, ball per let chu Lalhmangaihkima chuan chiang zet a pet lutin an goal hnihna a khung a, goal dang luh belh lo in Aizawl FC chuan 2-1 a hmahruaiin chawlhlawk anhmang zui ta a ni.

Second half tan a ni a, Mizoram Police chuan nawr nghalin minute 57-ah box pawn dinglam sir atangin R. Malsawmtluanga chuan mawi takin an siphurh sutna goal a khung ve leh bawk. Mizoram police chuan goal thum belhna hun tha neiin F. Lalrinpuia (Valpuia), Fakzuala leh R. Malsawmtluanga te chuan an hun tha neih an hmang tangkai thei lo. Aizawl FC pawhin goal thun belhna hun tha nei ve bawkin bench a tang a lut Khawpuimawia chuan Mizoram Police keeper Muanawma chiah a hmachhawn hnuah goal sirah chiah a pet a, goal dang luh belh tawh lo in 2-2 a inhneh tawkin khel mual an chhuah san ta a ni

(adsbygoogle = window.adsbygoogle || []).push({});