McDowell's No 1 Soda Mizoram Premier League Round 13 chu vawiin khan khelh tan a ni a, vawiin match hnuhnung zawkah Bethlehem Vengthlang FC chuan si hnih faiin Zo United FC an hneh a, Bethlehem Vengthlang FC hi table-ah pathumna an ni a, MPL semi final an khel dawn ta a ni.
Aizawl FC lakah Chanmari FC si khat faiin an chak lova, khelh 13 atangin point 23 ve ve Chanmari FC leh Bethlehem Vengthlang FC te hian an nei a, head to head en a ni a, team hnihte hi vawi hnih an inhmachhawnah chak zawk an awm lo ve ve a, goal difference en a ni leh a, Chanmari FC an chungnun zawk avangin table-ah Chanmari FC chu pahnihna an ni mek a, Bethlehem Vengthlang FC chu pathumna an ni a, semi final an khel dawn chiang ta a ni.
Zo United FC 0-2 Bethlehem Vengthlang FC
(K. Lalthathanga 27', Laldingngheta 46')
Zo United FC: Lalawmpuia, Lalrinzuala Khiangte, Lalremtluanga, Lalhmingliana Kawlni, Lalnuntluanga, K. Lalnunzama, Ricky Lallawmawma, R. Lalthantluanga, Lalliansanga, Samson Ramengmawia, Laldinliana Varte.
Subs: Lalrinhlua, David Lalthlamuana, Malsawma Chhangte, Vanlalchhanhima Sailo, James Lalhmingsanga, Malsawmdawnga, Isak Vanlalpeka, Zothansanga, PC Laldinliana.
Bethlehem Vengthlang FC: H. Lalremruata, R. Laldinliana, MS Dawngzela, Lalmuanawma, R. Lalrinsanga, K. Lalthathanga, Lalruatdika, Vanlalzuia Hnamte, Zaithanmawia, Laldingngheta, MS Dawngliana.
Subs: Ramdinzela, Joseph Lalsanglura, Ramfangzaua, PC Vanlalhruaia, Lalmalsawma, Michael L Khiangte, Francis Rambeiseia, Lalhmingmuana, K. Lalmalsawma.
Goal hmasa ber hi 27th mins-a lut a ni a, Dawngtea ball pek tha zet chu Zaithana chuan goal-ah a shot a, Zo United FC goalkeeper Awpa chuan tha zetin lo dang mahse Puitea chuan chiang takin a chhuih goal ta thova, first half-ah si khat faiin Bethlehem Vengthlang FC-in hma an hruai.
Second half tan tirah Bethlehem Vengthlang FC hian goal an khung lehnghal zat a, defensive third atanga Zaia ball pet chhuah tha zet chu Zaithana'n a tauh pial a, Dingngheta tan ball tha tak a ni zui. Dingngheta chuan chak takin a um zel a, box chhung a thlen pui hnu chuan Zo United FC goalkeeper Awpa kapkarah a pet goal ta. Si hnih faiin Bethlehem Vengthlang FC chuan hnehna an chang ta a, round hnuhnung berah chak lo pawh nise semi final an khel dawn tho tho a ni. He match-a goal hmasa khungtu K Lalthathanga chu man of the match-a thlan a ni.
Zo United hi semi final khelh inbeisei an ni a, chance an nei tawh lo chu a ni lo, mahse Dinthar FC, Luangmual FC leh Chanmari West FC te results-ah an innghat a. Tin, relegate thei dinhmunah pawh an la ding tho a ni.