Mourinho tan contract thar.

06th May 2015, 07:05PM

Premier League champion Chelsea chuan Jose Mourinho chhawr zui zel an duh a, contract thar an ziahpui dawn.

Portuguese manager hian London club hi kum nga hnuah Premier League nomawi a chawipui a, game thum khelh hmabak la awm mahse umphak theih an ni tawh lo.

Kum 52 mi Mourinho hian kum 2013 June thla khan a vawihnih nan Chelsea hi a enkawl tan a, tun season-ah League Cup leh Premier League nomawi a chawipui.

A contract thar ziah hun tur tak hi sawi lang lo mahse karleh lamah chuan an tihfel rin a ni a, hunrei tak chhung daih tur chu a ni ang.

Mourinho hian kum 2004 leh 2005 inkar khan Chelsea hi lo enkawl tawhin Premier League-ah vawihnih alo champion pui tawh a, a hun hmasa lamah hian League Cup nomawi vawihnih leh FA Cup vawihnih a chawipui bawk a ni.

Kum 2008 khan Chelsea neitupa Roman Abramovich nen an inkarah buaina a awm avangin Inter Milan lamah a kalsan a, hemi hnu hian kum thum chhung Real Madrid a enkawl leh bawk.

Kum ruk leh a chanve vel England a chhuahsan hnuin Chelsea-ah bawk hian a kir leh a, a season hmasa berah nomawi a chawipui lo.

Porto manager hlui ni bawk Mourinho chuan, "Season tira ka sawi tawh ang tho kha a ni, Abramovich-a'n min duh chhung Chelsea-ah hian ka awm dawn. Chhuak tura min tih hunah chuan ka kal mai ang." tiin a sawi.

Copyright © inkhel.com 2024. All rights reserved.