Jose Mourinho chuan Euro 2024-a champion a rin ber chu Portugal team an ni a, England chu team tha tak ni mah se pahnihna an nih a ring thung.

Kumin hian England, France leh Germany te chu team tha ber zinga mi an ni a, Portugal erawh champion ring an tam em em lo. Hetih lai hian TNT Sports-in an kawmnaah Mourinho chuan Portugal an champion a ring ber.

England hian kum 1966 hnuah Major trophy an la chawi leh lo, Euro hnuhnung ber khan final an lut a, mahse Italy lakah an tlawm a nih kha.

Kumin hian player naupang an nei tha leh pek hle a, champion tur pawhin theihna sang tak an nei, mahse Mourinho chuan England chu pahnihna an nih a ring.

Mourinho rin dan chuan, England leh Portugal te chu an final ang a, Portugal an champion ang. Harry Kane chu top scorer a ni ang a, Jude Bellingham chuan best player lawmman a dawng ang.

Mourinho hi Ballon d'Or dawng tura a rin an zawt a, Real Madrid forward Vinicius Jr chu kumin Ballon d'Or dawng tura a rin a nih thu Portuguese coach hian a sawi bawk.