15 Nov 2020 08:30

inkhel

MotoGP world champion thar Joan Mir

Franco Morbidelli (Petronas Yamaha SRT) chu Valencia Grand Prix-ah pakhatna a ni a, pasarihnaa thleng Suzuki rider Joan Mir chuan world title a la thung.

Joan Mir chu Valencia Grand Prix-ah hian pasarihna ni mah se MotoGP champion a ni ta tho a. 2013 atanga Marc Marquez champion tluang mek titawptu niin, Marquez hnua MotoGP champion leh thei hmasa ber a ni a, Suzuki chuan 2000 hnua rider title an lak leh theih hmasak ber a ni bawk.

Pramac Ducati rider Jack Miller chu pahnihna niin, KTM rider Pol Espargaro chu pathumna a ni a. Suzuki rider Alex Rins chu palina niin, a hnungah hian KTM rider pakhat zawk Brad Binder chu a awm bawk a ni.

Tech3 KTM rider Miguel Oliveira chu paruknaah a thleng a, a hnung chiahah hian world champion thar ni ta Suzuki rider Joan Mir chu a thleng bawk a. Ducati rider Andrea Dovizioso chu pariatna niin, a hnung chiahah hian Aprilia rider Aleix Espargaro chu a thleng bawk.

Yamaha rider Maverick Vinales chu sawmna a ni a, Pramac Ducati rider Francesco Bagnaia chu sawmpakhatna a ni bawk a. A hnungah hian Yamaha rider Valentino Rossi chu a awm a, LCR Honda rider Cal Crutchlow, Honda rider Stefan Bradl te chu a hnungah hian an awm ve leh a ni.

Ducati rider Danilo Petrucci, Honda rider Alex Marquez, Avintia Ducati rider Tito Rabat leh Aprilia rider Lorenzo Savadori te chu an tlan tluanchhuak bawk a. LCR Honda rider Takaaki Nakagami, Petronas Yamaha rider Fabio Quartararo leh Avintia Ducati rider Johann Zarco te chu an tlan tluanchhuak ve thei ta lo.

Valencia MotoGP Results (27 Laps)

1. Franco Morbidelli, Petronas Yamaha
2. Jack Miller, Pramac Ducati
3. Pol Espargaro, KTM
4. Alex Rins, Suzuki
5. Brad Binder, KTM
6. Miguel Oliveira, Tech3 KTM
7. Joan Mir, Suzuki
8. Andrea Dovizioso, Ducati
9. Aleix Espargaro, Aprilia
10. Maverick Vinales, Yamaha
11. Francesco Bagnaia, Pramac Ducati
12. Valentino Rossi, Yamaha
13. Cal Crutchlow, LCR Honda
14. Stefan Bradl, Honda
15. Danilo Petrucci, Ducati
16. Alex Marquez, Honda
17. Tito Rabat, Avintia Ducati
18. Lorenzo Savadori, Aprilia
DNF
- Takaaki Nakagami, LCR Honda
- Fabio Quartararo, Petronas Yamaha
- Johann Zarco, Avintia Ducati