06 Oct 2019 08:50

inkhel

MotoGP world champion Marc Marquez

Marc Marquez chu Thailand Grand Prix-ah a chak ber a, MotoGP world title chu a vawi 6-na atan a la zui a ni.

Pole position atanga bul tantu Fabio Quartararo chu a vawi khatna atan a chak ber dawn emaw tih theih a ni hman a, kawng kawi hnuhnung berah Marquez chuan a lehpel hlauh mai a, intlansiak tirh atanga hma hruai tluanchhuak deuh thaw Quartararo chu pahnihna a nih phah a ni.

Repsol Honda rider Marquez hian MotoGP huangah season 7 hun hmang tawhin, heng zinga season 6-ah hian world title a la thei a ni.

Tun season chhungin intlansiak vawi 4 a la awm dawn a, heti chung hian Marc Marquez chuan point 110 zetin hma a hruai tawh a, amah hnaih bertu chu Andrea Dovizioso niin, Thailand Grand Prix-ah hian palina a ni thei chauh a ni.

Tarlan tawh angin Yamaha rider Fabio Quartararo chu pahnihna a ni a, Monster Energy Yamaha rider Maverick Vinales chu pathumna a ni a. Ducati rider Andrea Dovizioso chu palina niin, Suzuki Ecstar rider Alex Rins chu panganaah a thleng bawk.

Yamaha rider pakhat zawk Franco Morbidelli chu parukna niin, a hnung chiahah hian Suzuki Ecstar rider pakhat zawk Joan Mir chu a awm a. Monster Energy Yamaha rider pakhat Valentino Rossi chu pariatna niin, a hnungah hian Ducati rider Danilo Petrucci leh LCR Honda Idemitsu rider Takaaki Nakagami te an awm a ni.

Top 10

1. Marc Marquez (Repsol Honda)

2. Fabio Quartararo (Yamaha) +0.171secs

3. Maverick Vinales (Monster Energy Yamaha) +1.380s

4. Andrea Dovizioso (Ducati) +11.218s

5. Alex Rins (Suzuki Ecstar) +11.449s

6. Franco Morbidelli (Yamaha) +14.466s

7. Joan Mir (Suzuki Ecstar) +18.729s

8. Valentino Rossi (Monster Energy Yamaha) +19.162s

9. Danilo Petrucci (Ducati) +23.425s

10. Takaaki Nakagami (LCR Honda Idemitsu) +29.423s

Riders Championship

1. Marc Marquez (Repsol Honda) 325

2. Andrea Dovizioso (Ducati) 215 (110)

3. Alex Rins (Suzuki Ecstar) 167 (-158)

4. Maverick Vinales (Yamaha) 163 (-162)

5. Danilo Petrucci (Ducati) 162 (-163)

Team Standing

1. Ducati 377

2. Repsol Honda 358 (-19)

3. Monster Energy Yamaha 308 (-69)

4. Petronas Yamaha 233 (-144)

5. Suzuki Ecstar 229 (-148)