Moto GP season pawh an tan chho mawp mawp a, Pathianni zan Spanish Grand Prix tlan zawh takah Honda Spanish rider Dani Pedrosa chu pakhatna a ni a, pole position atanga bul tanin intlansiak chhung hma a hruai tluan zak a ni.

Spanish Grand Prix-ah Spanish driver an langsar a, Honda rider tho Marc Marquez leh Ducati rider Jorge Lorenzo-te chu pahnih leh pathumnaah an thleng ve bawk. Moto GP driver standing hmahruai mektu Valentino Rossi a tlan tha lem lo a, 10-naah a thleng thei hram a ni.

Spain-ah Rossi che tha lo mahse hmahruaitu an la ni tho a, point 62 hmu tawhin a hnuai chiahah Maverick Vinales aiin point 2-in a lan sang zawk tho a ni. Marc Marquez-a'n point 58 hmuin Rossi a thlau lutuk lo a, Italian rider hian a vawi riatna atana world champion nih a duh chuan French Grand Priz tlan leh nghal turah a insiamthat nghal a ngai ang.

Spanish Grand Prix results:

1. Dani Pedrosa (Spain) Honda 45:26.827

2. Marc Marquez (Spain) Honda +6.136

3. Jorge Lorenzo (Spa) Ducati +14.767

4. Johann Zarco (Fra) Yamaha +17.601

5. Andrea Dovizioso (Ita) Ducati +22.913

6. Maverick Vinales (Spa) Yamaha +24.556

7. Danilo Petrucci (Ita) Ducati +24.959

8. Jonas Folger (Ger) Yamaha +27.721

9. Aleix Espargaro (Spa) Aprilia +31.233

10. Valentino Rossi (Ita) Yamaha +38.682

Moto GP standings:

1 Valentino Rossi (Ita) Yamaha 62 points

2. Maverick Vinales (Spa) Yamaha 60

3. Marc Marquez (Spa) Honda 58

4. Dani Pedrosa (Spa) Honda 52

5. Andrea Dovizioso (Ita) Ducati 41

6. Johann Zarco (Fra) Yamaha 35

7. Cal Crutchlow (GB) Honda 29

7. Jonas Folger (Ger) Yamaha 29

9. Jorge Lorenzo (Spa) Ducati 28

10. Danilo Petrucci (Ita) Ducati 26