Andrea Dovizioso chu Red Bull Ring-a MotoGP Austrian Grand Prix intlansiakah pakhatna a ni a, he lai hmunah hian vawi thum a chakna a ni ta.

Ducati rider Andrea Dovizioso chuan a hma niin season tharah chuan Ducati bike a khalh tawh dawn lo tih a puang a, he thu a sawi tukah hian intlansiakah pakhatna a ni zui a. Pakhatna a nih hian tun season chhunga pakhatna a nih hmasak ber a nih bakah Ducati pawh pakhatna an nih hmasak ber a ni bawk.

He intlansiakah hian Franco Morbidelli leh Johann Zarco te chu an insu palh a, 200mph zeta chaka an tlan laia chesual an ni a, an bike pawh a chhe chiang hle a. An chetsualnaah hian Maverick Vinales leh Valentino Rossi te chu an hnuk tel teuh hle.

Bike pahnih an chetsual avang hian intlansiak a khaihlak phah a, an chhunzawm leh hnuah chuan Jack Miller chu hmahruaitu a ni chho a. A hnu deuhah Dovizioso leh Alex Rins te chuan an lehpel leh a, Rins hian hma a hruai deuh chauh tihin a chesual zui a, a tawp thlengin a tlan thei ta lo.

Dovizioso chu hmahruaitu a ni chho a, a tawp thlengin lehpel thei an awm ta lo a. Suzuki Ecstar rider Joan Mir chu pahnihna niin, MotoGP huanga a tel hnuah podium a lawn hmasak ber tum a ni.

Pramac Ducati rider Jack Miller chu pathumna a ni a, Red Bull KTM Factory rider Brad Binder chu palina niin, Monster Yamaha rider Valentino Rossi chu pangana a ni a, a hnung chiahah hian LCR Honda rider Takaaki Nakagami chu a awm bawk a ni.

World champion ni lai Marc Marquez chu a ban dinglam a la dam chian loh avangin a la tel thei lo a, intlansiak vawi thumah a inlan thei ta lo a ni.

Result:
1. Andrea Dovizioso - Ducati Team (GP20)
2. Joan Mir - Suzuki Ecstar (GSX-RR)
3. Jack Miller - Pramac Ducati (GP20)
4. Brad Binder - Red Bull KTM Factory (RC16)
5. Valentino Rossi - Monster Yamaha (YZR-M1)
6. Takaaki Nakagami - LCR Honda (RC213V)
7. Danilo Petrucci - Ducati Team (GP20)
8. Fabio Quartararo - Petronas Yamaha (YZR-M1)
9. Iker Lecuona - Red Bull KTM Tech3 (RC16)
10. Maverick Viñales - Monster Yamaha (YZR-M1)
11. Aleix Espargaro - Factory Aprilia Gresini (RS-GP)
12. Michele Pirro - Ducati Team (GP20)
13. Bradley Smith - Factory Aprilia Gresini (RS-GP)
14. Alex Marquez - Repsol Honda (RC213V)
15. Cal Crutchlow - LCR Honda (RC213V)
16. Tito Rabat - Reale Avintia Ducati (GP19)
17. Stefan Bradl - Repsol Honda (RC213V)
DNF Alex Rins - Suzuki Ecstar (GSX-RR)
DNF Pol Espargaro - Red Bull KTM Factory (RC16)
DNF Miguel Oliveira - Red Bull KTM Tech3 (RC16)
DNF Franco Morbidelli - Petronas Yamaha (YZR-M1)
DNF Johann Zarco - Reale Avintia Ducati (GP19)