Aragon GP tlan zawh takah a tir atanga hma hruaitu Spaniard Jorge Lorenzo chu pakhatna a ni a, Honda rider Dani Pedrosa chu pahnihna niin, Yamaha rider leh championship-a hma hruaitu Valentino Rossi chu pathumna a ni.
Yamaha rider te pahnih Rossi leh Lorenzo te chu championship-ah an inum chho mek a, Lorenzo pakhatna a nih avangin hmahruaitu Rossi chu point 14 chauhvin a phak lo ta. He intlansiakah hian pole atanga bul tan Marc Marquez erawh lap hnihnaah a tawlh chhuak a, a tlan chhunzawm thei ta lo a ni.
Lorenzo chuan pole atanga bul tan Marquez tlanpelin hma a hruai char char a, Pedrosa chu pahnihnaah a tlan a, Rossi chuan pahnihna nih hram tumin Pedrosa tlan pelh a tum. Pedrosa chuan theih tawpin Rossi a dang a, lap 5 chiah a awm tih atangin an in pel zak zak, mahse Rossi-a'n Pedrosa a tlan pelh veleh Pedrosa chuan a lehpelh leh chhunzawm zat zel a, a tawpah Pedrosa chu pahnihna a ni ta nge nge a, Rossi erawhin podium a chang hram a ni.
Rossi chuan,"Dani tlanpel turin ka theih zawng zawng ka ti, mahse ka'n tlanpel chiaha, kawi hnih khatah min rawn lehpel lehnghal zat zel a, vawiin kha chuan ka tlan pel thei lo a ni ber mai," tiin a sawi.
Pedrosa pawhin,"Hma lam pana chak taka tlan kha ka thei lo, ka hnungah Rossi-a'n min um reng a, ka tlan sual hlek chuan min pel dawn tih ka hre chiang si, ka dinhmun humhim ngawr ngawr kha ka tum ta a ni, intlansiak ropui tak a ni," tiin a sawi.
Lorenzo chuan pole chang lo mahse theih tawpa tlan a, hnehna chan a tum thu a sawi a, hetih lai hian Marquez-a chesual erawh a beisei phak loh thil a nih thu a sawi bawk a ni.
Aragon MotoGP results:
1. Jorge Lorenzo (Spain) Yamaha 41 minutes 44.933 seconds
2. Dani Pedrosa (Spain) Honda 41:47.616
3. Valentino Rossi (Italy) Yamaha 41:47.706
4. Andrea Iannone (Italy) Ducati 41:52.791
5. Andrea Dovizioso (Italy) Ducati 42:09.255
6. Aleix Espargaro (Spain) Suzuki 42:09.762
7. Cal Crutchlow (Britain) Honda 42:10.300
8. Bradley Smith (Britain) Yamaha 42:10.436
9. Pol Espargaro (Spain) Yamaha 42:11.385
10. Yonny Hernandez (Colombia) Ducati 42:28.822
11. Maverick Vinales (Spain) Suzuki 42:29.188
12. Scott Redding (Britain) Honda 42:33.109
13. Alvaro Bautista (Spain) Aprilia 42:34.688
14. Eugene Laverty (Ireland) Honda 42:35.204
15. Nicky Hayden (U.S.) Honda 42:35.297
MotoGP Standings after race 14 of 18:
1. Valentino Rossi (Italy) Yamaha 263
2. Jorge Lorenzo (Spain) Yamaha 249
3. Marc Marquez (Spain) Honda 184
4. Andrea Iannone (Italy) Ducati 172
5. Bradley Smith (Britain) Yamaha 143
6. Andrea Dovizioso (Italy) Ducati 139
7. Dani Pedrosa (Spain) Honda 129
8. Danilo Petrucci (Italy) Ducati 93
9. Cal Crutchlow (Britain) Honda 88
10. Pol Espargaro (Spain) Yamaha 88
11. Aleix Espargaro (Spain) Suzuki 76
11. Maverick Vinales (Spain) Suzuki 74
13. Scott Redding (Britain) Honda 67
14. Yonny Hernandez (Colombia) Ducati 47
15. Loris Baz (France) Forward 28
picture credit : Crash.net