19 Oct 2019 04:07

inkhel

Motegi-ah Marc Marquez a ding hma ber dawn

Marc Marquez chu Inrinnia MotoGP Japanese Grand Prix qualifying an tlanah a che tha ber a, pole position atangin bul a tan thei dawn a ni.

MotoGP world champion Marc Marquez chuan tun season chhunga intlansiak awm tawh zawng zawngah pole position a la chang kim vek a, hetianga ti thei hmasa ber a ni a. Motegi bikah chuan pole postion a chan hmasak ber tum niin, 2019 chhung chuan pole position vawi 10 a chang ta chiah thung.

Twin Ring Motegi Circuit-ah hian Repsol Honda rider Marc Marquez chuan Petronas Yamaha rider pahnih, pahnihnaa awm tur Franco Morbidelli leh pathumnaa awm tur Fabio Quartararo te chu a khum thei chiah a ni.

Factory Yamaha rider Maverick Vinales chu palina niin, panganaah hian LCR Honda rider Cal Crutchlow a awm a, a hnungah hian Pramac Racing rider Jack Miller chu a awm bawk a ni.

Ducati rider Andrea Dovizioso chu pasarihnaah a awm a, pariatnaah chuan Ducati rider pakhat zawk Danilo Petrucci a awm a. Pakuanaah Aprilia Racing Team rider Aleix Espargaro chu awmin, Monster Energy Yamaha rider Valentino Rossi chu sawmnaah a awm a. Suzuki Ecstar rider pahnih Alex Rins leh Joan Mir te chu Rossi hnungah an awm ve bawk a ni.

Japanese GP qualifying result

1. Marc Marquez (Repsol Honda): 1:45.763

2. Franco Morbidelli (Petronas Yamaha): +0.132s

3. Fabio Quartararo (Petronas Yamaha): +0.181s

4. Maverick Vinales (Monster Energy Yamaha): +0.327s

5. Cal Crutchlow (LCR Honda): +0.426s

6. Jack Miller (Pramac Racing): +0.574s

7. Andrea Dovizioso (Ducati): +0.647s

8. Danilo Petrucci (Ducati): +0.664s

9. Aleix Espargaro (Aprilia Racing Team): +0.795s

10. Valentino Rossi (Monster Energy Yamaha): +0.795s

11. Alex Rins (Suzuki Ecstar): +0.837s

12. Joan Mir (Suzuki Ecstar): +0.853s