Andrea Dovizioso chu Inrinnia MotoGP Japan Grand Prix qualifying an tlanah a che tha ber a, pole position a chang a, Marc Marquez chu parukna a ni pha chauh thung.

Nikum lama Japan rama pakhatna Dovizioso chuan qualifying round-ah hian vawi khat tlan kual chhuah nan minute 1 leh second 44.590 a hmang a, a aia tlan chak an awm lo a, a zawnin kum hnih chu Japanese Grand Prix-ah pole position a chang ta a ni.

Pathiannia title la thei tur dinhmuna ding Marc Marquez chu paruknaah a awm thei dawn chauh a, beisei loh deuhin Jack Miller chu Motegi-ah hian pathumna atangin a tlan chhuak thei ang.

Johann Zarco chu pahnihnaah a awm ang a, Cal Crutchlow chu palinaah a awm dawn bawk a, a hnungah hian Andrea Iannone chu a awm dawn bawk a. Iannone hnungah hian Marquez chu awmin, a hnungah hian Maverick Vinales leh Alex Rins te an awm ve leh bawk.

Valentino Rossi chu pakuanaah a ding dawng a, a hnung chiahah hian Alvaro Bautista chu a awm dawn bawk a ni.

Japanese Grand Prix qualifying result:

1. Andrea Dovizioso (Ducati) 1:44.590secs

2. Johann Zarco (Monster Yamaha Tech 3) 1:44.658s

3. Jack Miller (Alma Pramac Racing) 1:44.727s

4. Cal Crutchlow (LCR Honda) 1:44.820s

5. Andrea Iannone (Suzuki Ecstar) 1:44.832s

6. Marc Marquez (Repsol Honda) 1:44.889s

7. Maverick Vinales (Movistar Yamaha) 1:45.140s

8. Alex Rins (Suzuki Ecstar) 1:45.225s

9. Valentino Rossi (Movistar Yamaha) 1:45.265s

10. Alvaro Bautista (Angel Nieto) 1:45.396s