14 Aug 2019 02:46

bakteaJr.

Mizo tlangval

Monaco striker thar Be Yedder

AS Monaco chuan Sevilla atangin French forward kum 29 mi Wissam Ben Yedder chu euro maktaduai 40 –in an lalut fela, kum nga daih contract an ziahpui.

Ben Yedder hian La Liga-ah kum nga hun a hman hnuin Ligue 1 lam a pana, nimin khan Monaco-ah medical neiin vawiin lamah Monaco hian lak fel thu hi an puang.

Season liamta khan Ben Yedder hi Sevilla tan a che tha hle a, competition hrang hrangah goal 30 lai khungin, tun nipui bazar chhung pawh khan team lian dangte sawizawm a ni nasa hman hle.

Ben Yedder hi Toulouse academy lama awm thin a ni a, kum 2010 atang khan Toulouse senior team lamah khel tanin, kum 2016 khan Sevilla a zawm. France U21 tana a khelh hnuah nikum atang khan senior team lama koh a ni a, nikum World Cup khan France team-ah a tel ve nghe nghe.

A kalna apiangah Ben Yedder hian goal a khung thei thin hle a, Toulouse-a a awm lai hian game 174 kheli goal 71 lai a khung hmana, 21st century-a Toulouse tana goal khung thei ber a ni.