Paris St. Germain ah an left back rinrawl Layvin Kurzawa-a'n a chhuahsan mai dawna a lan tak avangin Monaco chuan Madrid left back Coentrao chu Kurzawa thlaktu atan season khat chhung loanin an hawh fel ta.
Monaco president Vadim Vasilyev chuan zanin hian Coentrao chu season khat chhung loanin kan hawh fel ta tiin a sawi a, Kurzawa-a'n PSG zawm a duh si a, a manah sum tam tham tak kan dawn theih dawn bawk avangin a thlaktu kan mamawh a, kan hmu thei ta a ni tiin a sawi.
L’ AS Monaco est heureuse d’annoncer avoir trouvé un accord de principe avec le @realmadrid pour @Fabio_Coentrao ! pic.twitter.com/BQL00uaGtT
— AS MONACO (@AS_Monaco) August 26, 2015
He Portugal international hian 2014-15 season khan hliam a tawh reng avangin a inkhel tam thei lova, league ah game kua chiah a inlan thei a ni.
2011 khan Coentrao hian Benfica atangin Madrid hi a zawma, Brazilian left back Marcelo vangin Bernabeu-a a hun tam zawk chu bench ah a hmang tih theih a ni.