27 May 2019 12:31

bakteaJr.

Mizo tlangval

​Monaco GP-ah Hamilton a phit ber

Formula One Monaco Grand Prix-ah Mercedes driver Lewis Hamilton a tlan chak leh ber a, pahnihnaah Ferrari driver Sebastian Vettel awmin, pathumnaah Mercedes driver tho Valtteri Bottas-a awm.

Tun season-ah a vawi khat nan Mercedes chuan pakhatna leh pahnihna an hauh lova, Hamilton leh Bottas-a te inkarah Vettel a tla zep.

Tun season-ah Hamilton hi a vawi li chakna a ni a, Monaco GP-ah buaina neuh neuh nei mahse a thleng hmasa berah a tang ta tho a ni.

Hamilton hi driver standing-ah hmahruaitu a ni chhunzawm zela, pahnihnaah Bottas awmin, pathumnaah Vettel a awm ve thung.

Lap tawp lamah Hamilton leh Max Verstappen-te chu an insu deuha, mahse an insut nat loh avangin eng a thleng lo.

Verstappen hi pit atanga a chhuah fimkhur loh avangin hrem a tawk a, second nga paih sak niin pahnihna atangin palinaah a tla thlaa, Vettel a vanneih phah.

Hamilton hian a helmet-ah tunkar kaltaa F1 legend boral ta Niki Lauda hming a ziak langa, Monaco GP-a hnehna a chan chu Lauda tan hian a hlan nghe nghe a ni.

Pics credit: Formula One