Mobile Legends: Bang Bang World Championships (M1) grand final-ah EVOS Legends chuan 4-3 a Rex Regum Qeon (RRQ) hnehin an champion!

Indonesian team EVOS Legends hian Trophy bakah $80,000 an dawng a, hei hi India pawisa chuan ₹57,35,840 a tling.

Final hmuhnawm takah RRQ hian 3-1 in hma an hruai hman a, EVOS lam hian zam miah lo vin an beilet a 3-3 niin Game 7 an khel.

Game 7-na an khel a EVOS Legends hian hnehna changin RRQ hi 4-3 in an hneh.

M1-ah hian EVOS Legends player Oura chu MVP-ah thlan niin $3,000 a dawng.

M1 hi khawvela huapa Mobile Legends intihsiakna hmasa ber a ni a, Malaysia khawpui Kuala Lumpur ami Axiata Arena chuan a thleng.

M1-ah hian Malaysia, Singapore, Indonesia, Myanmar, Philippines, Laos, Vietnam, Japan, Turkey, Russia, Unites States leh Brazil aṭangin team 16 an tel a ni.

LAWMMAN

1st/Champion: $80,000 (₹ 57,35,840) + Trophy

2nd: $40,000 (₹28,67,920)

3rd: $20,000 (₹14,33,960)

4th: $12,000 (₹8,60,376)

5th & 6th: $8,000 (₹5,73,584)

7th & 8th: $6,000 (₹4,30,188)

9th-12th: $4,000 (₹2,86,792)

13th-16th: $3,000 (₹2,15,094)