Coda Shop sponsor Mobile Legends (India) Diamond Challenge Series 2 khelh zawh takah Mizo pathum telna IGN squad an champion.

IGN hian pakhatna ni turin an kalkawngah harsatna an tawk lo va, vawikhat mah tlawm lovin an chungnunzia an lantir.

Final-ah hian OPM nen in hmachhawnin Best of Five a ni a, IGN hian buaina tawk lovin game thum an la tlang nghal a an champion.

Diamond Challenge Series 2-ah hian Squad 256 zet an tel thei a, lawmman atana sum hmanral chu $3,000 (Rs. 2,07,500) a ni.

Champion team hian $1,500 (Rs. 1,03,800) an dawng a, pawisa bakah hian Mobile Legends-a ṭangkaina tam tak nei Diamond 66,000 zet an dawng tel bawk.

Final-a champion team chetdan chu hetiang hi a ni:- Lust: 17-3-27 (KDA) i7: 25-12-26 (KDA) Buu: 8-6-42 (KDA) Witch: 15-5-22 (KDA) Nora: 4-7-38 (KDA)

KDA hi Kill-Death-Assist tihna a ni a, final-ah hian Lust, i7 leh Witch-te vawikhat ṭheuh MVP an ni bawk.

FINAL STATISTICS IGN 19-10 OPM IGN 23-16 OPM IGN 27-6 OPM

IGN SQUAD 

Abraham/Lust (Mizoram) 

Lalhriatpuia/i7 (Mizoram)

Lalrinmuana/Buu (Mizoram)

Nungshi Usam/Witch (Manipur/Nagaland)

Abotang Perme/Nora (Arunachal Pradesh)

THUBELH IGN hian Mobile Legends (India) hi an awp deuh reng a tih theih a, khawvel pum huapah pawh an langsar viau tawh a Hero hrang hrangah Global Player an ni fur tawh hlawm bawk a ni.