JSJ FitPro leh Mizoram Mixed Martial Art Association chuan JSJ Fight League an buatsaih tur chu February ni 25, 2016 khan mipui hmaah puanchhuahna hun an hmang a. MJA Press Club-ah MMA League buatsaih turte hian press conference an nei a ni.
JFL-ah hian fighter 10 an inlan dawn a, MMA event lian hi Mizoramah mai nilo, North-East India-a a hmasaber a ni a, Steel Cage lian tak chu Millennium Centre chungzawlah an hung ruah tawh a, hetiang cage hi India ramah pathum chiah a la awm nghe nghe a ni.
Tuna MMA Fight League hi Weight Category pangaah then a ni a, Special Match a awm dawn bawk a, hetah hian National leh International Fighter Congo ram atang leh West Bengal atanga lo kalte an inlan dawn a, Mizo Professional Fighter-te nen hian an innuai dawn a ni.
Hmeichhia Fight hmuh tur a awm dawn bawk a, LPS Vision Lamin Live Telecast-in an pe chhuak ang. International Lightweight Fighter Zorammawia leh Congo Fighter Hakizumwami Rukeba Herve te leh National Flyweight Zorinmawi leh West Bengal Fighter Shvajit Chowdhury te chuan League(JFL)-1 inbeihna atan inchotuahna hun an hmang nghal a ni.
MMA Fight League hi February 26, Zirtawp Zan dar 6:00 PM-ah Millenium Centre Rooftop-ah tan a ni ang.