07 Jun 2019 11:15

bakteaJr.

Mizo tlangval

​MMA GYM CHALLENGE 2 A HLAWHTLING

Khawvela game rorum leh ṭhang chak berte zing ami MMA (Mixed Martial Arts) chuan Mizoramah hmun a rawn khuar ve mek a; Zo Fight Promotions company sponsor-in Mizoram State MMA Association leh Zonet chuan tun kum awh tur "MMA gym challenge" a huaihawt. He event-ah hian International MMA Federation hnuaia MMA amateur rules hmanga him taka kan fighter ṭhang chho mekte kawng sialsak an ni. Gym challenge one hlawhtling taka May thlaa neih hnuah “MMA Gym Challenge 2" chu 6/6/19 zan khan neih a ni leh a, 13/06/19 zan dar 8-ah Zonet Rihnimah replay a en theih dawn. Gym challenge 3 aṭang chuan North East fighter te sawm an ni bawk ang.

He event-ah hian mizo fighter kei ka ni inti chinte an innuai a, martial arts game hrang hrang zir ṭhinte'n a ṭha ber nih tumin fight an nei ṭhin dawn a ni. MMA khel tawhte bakah MMA khawvela mi thar tam tak an tel. He event-a telte tan event lian takin season hi khar a ni ang. Mizo fighter te hian experience an ngah chhoh zel theih nan leh hei aia event lian zawk, SFL, ONE leh UFC thleng pawha kan inkah kai theih nan grassroot level-a hma lak a ni. A tel turte physical condition leh fitness uluk taka check-sak ṭhin an ni.

MMA Gym challenge season one hi May atanga December, 2019 thleng awh tur a ni a,SPES Gym, Dawrpui-ah engtik lai pawhin MISMA member ni turin registration a tih theih reng e. Next event hi July 27-ah neih tur a ni a. A hmuna en duh leh fighter registration ti duh tan contact 9774402124.

Weight tina ranking awm dan chu hetiang hi a ni:

WELTER WEIGHT (77.1 kgs)

  1. Lalawmpuia, Leitan Durtlang
  2. Lalthanglura, Chawnpui

FEATHER WEIGHT (-65.8 kgs)

  1. Chin Lun Mang Guite, Kulikawn
  2. Geroge Lalmuanawma, Luangmual
  3. PC Vanlalthuammawia

BANTAM WEIGHT (61.2 kgs)

  1. PC Vanlalthuammawia, Thuampui
  2. Lalnunpuia, Seling
  3. Vanlalhmangaiha, Ramhlun North

STRAW WEIGHT (-52.2 kgs)

  1. Lalrosanga, Model Veng
  2. Lalruatkima, Falkland

ATOM WEIGHT (-48 kgs)

  1. Joseph Vanlalhruaia, Hunthar Veng
  2. Zomuanpuia, Tuithiang