08 Oct 2020 03:54

inkhel

Mizoramah Jumping Rope Contest

Sports and Youth Services Department leh LPS Vision tang kawp chuan a vawikhat nan Mizoramah Jumping Rope Contest a buatsaih dawn a, cheng nuai hnih chuan lawmman sem chhuah a ni ang.

October ni 8, 2020 (Ningani) hian Sports director Pu Lalsangliana hovin a office-ah pawl pahnih ai awhten 'Fit People, Fit Mizoram' hnuaia hma lakna pawimawh tak chungchang an ngaihtuah a, inelna chi hrang pali - mipa leh hmeichhia, kum 18 chin chung lam senior leh kum 18 hnuai lam junior a awm dawn a, inhruizuan intihsiak hi LPS Vision chuan live telecast-in final round a pe chhuak ang.

Jumping Rope Contest-ah hian inelna tinah pakhatnain cheng singthum, pahnihna cheng singhnih leh pathumnain cheng singkhat an dawng dawn a, inelna tina thiam ber theuh intihsiak lehin a pum puia thiam ber hnenah cheng singhnih hlan a ni bawk ang.

A duh apiang tel theih a ni dawn a, tel turten a tirah mahni video siamin online hmangin theh luh a ni ang a, inelna tina a titha zual thlan chhuahten final round an lut dawn a ni.

Intihsiakna tur chungchangah ruahmanna fel fai zawk siam turin member pasarih awmna Technichal Committee an din nghal a, Mizoram State Sports Council secretary Pu John Tanpuia chu chairman-ah ruat a ni.

(adsbygoogle = window.adsbygoogle || []).push({});