November ni 27, Thawhlehni zan khan Mizoram Under 15 League semifinal khelh a ni a, Tata Trust COE leh Aizawl FC Academy chuan an khingpui ve ve hnehin final an lut ta a ni. Final hi December ni 1, Inrinni zanah khelh a ni ang.

05:30 PM TATA Trusts COE 2-1Chanmari

(Ongnam Singh 51', Lalngilneiha 70+3') (Zodinmawia 56')

Inkhel hmasa zawk table pakhatna Tata Trust COE leh palina Chanmari inhmachhawnin Tata Trust COE chuan 2-1 a Chanmari hnehin final an lut. Goal lut te hi second half-a lut vek an ni a, minute 51-ah Tata Trust COE tan mual dinglam sir a tang a Lalngilneia shot tha zet Chanmari keeper Lalhruaizela namper nangchinin Ongnam Singh chuan chiang zetin a pet goal. Tata Trust chuan sikhat faiin hmahruai mahse, minute 5 aral leh hmain Chanmari tan Amosa Lalnundanga freekick tha zet chu box chhunga awm Zodinmawia chuan buai nuaih karah an siphurh sutna mawitakin a khung.

Goal luh belh lo in 1-1a inhneh tawkin khelmual an chhuah san dawn emaw tih hnu huntawp dawn injury time-ah Tata Trust tan Lalhriatpuia corner pet tha zet Chanmari keeper Lalhruaizela namper nangchinin Lalngilneiha chuan chiangzetin an goal hnihna a khung a, Chanmari chuan an siphurh hi an sut thei tawh lo. Tata Trust chuan 2-1 in hnehna an chang ta a ni.

07:30 PM Aizawl Grassroots 0-1 Aizawl FC Academy

(Malsawmtluanga 40')

Inkhel hnuhnung zawk Aizawl Grassroots leh Aizawl FC Academy te inhmachhawnin Aizawl FC Academy chuan sikhat fai a Grassroots hnehin final an lut ve bawk. Goal awm chhun hi second half-a lut a ni a, Aizawl FC Academy tan Gratus Lalhnehliana ball pek tha zet chu box chhunga awm Malsawmtluanga chuan mawi takin a khung a ni.

(adsbygoogle = window.adsbygoogle || []).push({});