​Mizoram Under 15 League Champion Tata Trust COE

02nd December 2018, 05:12AM

December ni 1, Inrinni Mizoram Under 15 League final Tata Trust COE leh Aizawl FC Academy inkhelah Tata Trust COE chuan 2-1 a Aizawl FC Academy hnehin an champion. Goal lut te hi second half-a lut vek an ni a, Tata Trust tan Rakesh Singh chuan goal hnih a khung a, Aizawl FC Academy tan Riky Lalramnghaka chuan goal khat a khung ve bawk.

TataTrust COE 2-1 Aizawl FC Academy

(Rakesh Singh 56', 62') (Riky Lalramnghaka 57')

Second half tan a tang a minute 6 chhungin goal thum zet a lut a, Tata Trust tan minute 56-ah Salam Sinah ball vawrh luh tha zet chu box chhunga awm Rakesh Singh chuan mawi tak a pet goal-in an hmahruaina a khung. Tata Trust chuan sikhat faiin hmahruai mahse, an hruai rei lo kher mai. Minute 1 aral leh hmain Aizawl FC Academy tan Riky Lalramnghaka'n ball tha a hmuh chu box-ah lalutin an siphurh sutna goal a thun zui nghal zat thung.

Aizawl FC Academy-in an siphurh an sut hnu minute 5 aral leh hmain Tata Trust chuan an hun tha neih hmang tangkaiin Rakesh Singh bawk chuan an goal hnihna a khung zui leh a, Aizawl FC chuan an siphurh hi huntawp thlengin an sut thei lo a, Tata Trust chuan 2-1 a hnehna chang champion no mawi an chawi ta a ni.

Lawmman

Champion: Tata Trust COE, Rs 50,000/-

Pahnihna: Aizawl FC Academy, Rs 30,000/-

Semi-finalists:Chanmari & Grassroots, Rs 20,000/-

Fair Play: Aizawl FC Academy : Rs 20,000/-

5th position: M 28, Republic Veng, Rs 18,000/-

6th position: Sihphir Venghlun FC, Rs 16,000/-

7th position: FC Stonzz, Armed Veng, Rs 14,000/-

8th position: Kanan FC, Rs 12,000//

9th position: Bawngkawn GSA, Rs 10,000/-

10th position : Competitors for Christ, Rs 8,000/-

Mimal Lawmman

Best Player : Lalrempuia, Aizawl Grassroots, Rs 2,000/-

Best Forward : Lalthanpuia, Aizawl FC Academy, Rs 2,000/-

Best Midfielder : Lalrempuia, Aizawl Grassroots, Rs 2,000/-

Best Defender : Zlex Mangang, Tata Trust, Rs 2,000/-

(adsbygoogle = window.adsbygoogle || []).push({});

Copyright © inkhel.com 2024. All rights reserved.