Mizoram Football Association (MFA) buatsaih Mizoram Under 15 League 2019 round 5 chu October ni 2, Nilaini khan AR Lammualah khelh a ni a, Centre Of Excellence (COE), Kulikawn FC leh Aizawl FC te chuan an khingpui theuh hnehin point 3 an hlawh chhuak a, Bawngkawn GSA leh FC Stonzz te goal awmlo in an inhneh tawk a, Aizawl Grassroots Centre leh Sihphir Venghlun GSA te chak zawk awmlo in 2-2 in an inhneh tawk ve bawk. point 1 theuh an hlawh chhuak.
Ti hian vawi nga theuh an khel tawh a, Centre Of Excellence (COE) hian point 15 nei tawhin table-ah hmahruaitu an ni mek a, Aizawl FC hian point 13 nei tawhin pahnihna an ni mek bawk.
Kulikawn FC hian point 9 nei tawhin pathumna an ni mek a, Aizawl Grassroots Centre leh M-28 hian point 8 ve ve neiin goal deference-ah Aizawl Grassroots Centre an sang zawk a, palina an ni a, M-28 pangana an ni.
FC Armed Veng South hian point 7 nei tawhin parukna an ni a, Bawngkawn GSA hian point 5 nei tawhin pariatna an ni mek bawk. FC Stonzz hian point 1 neiin pakuana an ni a, Kanan FC hian point anla nei lo a, amawngphah an luah lum rih a ni.
October ni 2, Nilaini Round 5 Results
09:30 AM Bawngkawn GSA 0-0 FC Stonzz
11:00 AM Centre Of Excellence (COE) 6-0 M 28 Football Academy
(F Lalremtluanga 18', 46', Isak Zomuanpuia 25', 57', 59', 60')
12:30 PM FC Armed Veng South 0-2 Kulikawn FC
(Vanlalhriatrenga 20', Jason Remlalfaka 60')
02:00 PM Aizawl Grassroots Centre 2-2 Sihphir Venghlun GSA
(Lalrinchhana 14', 37') (Lallianmawia 29', Dingsangliana 55')
3:30 PM Aizawl FC 3-0 Kanan FC
(Sambeithapatlo Tlapyu 27', 59', James Lalruatfela 45')
October ni 5, Inrinni Round 6 Rajiv Gandhi Stadium Fixtures
09:30 AM Aizawl FC vs FC Armed Veng South
11:00 AM Centre Of Excellence (COE) vs Kanan FC
12:30 PM Bawngkawn GSA vs Kulikawn FC
02:30 PM Aizawl Grassroots Centre vs M 28 Football Academy
03:30 PM Sihphir Venghlun GSA vs FC Stonzz