​Mizoram State Games-ah Aizawl East I tluk zo an awm lo

14th December 2019, 02:12AM

Mizoram State Games 2019 chu December ni 13, Zirtawpni khan AR Lammualah khar a ni. Akharna hun hi Pu H Lalengmawia, Secretary Sport & Youth Service Dept'of Mizoram chuan ahruai a, Shri P.S Sreedharan Pillai, Hon'ble Governor of Mizoram chu khuallian a ni.

A kharna hun hi Rev R Lalrinsanga, Secretary Mizoram Kohhran Hruaitu Committee chuan pathian hnehna tawngtaina hun ahman zawhah Pu Robert Romawia Royte, Sport Minister chuan thusawiin State Games hi hun reitak atanga buatsaih a duh thu te, tun hunah a hlawhtlinna kan hmuh avanga lawm awm atih thu te sawiin a hlawh tlinna atana Association hrang hrang te hmalakna leh Constituency zawng zawnga hruaitu te leh participants te thawh rimna avangin tun hun kan thleng thei a, hun leh tha thawhthawh tute zawng zawng thawhrah kan seng a, hmasawn zel tura tan lak angaih zel thu a sawi bawk.

Pu Zoramthanga, Chief minister of Mizoram chuan Sport Games Souvenir tlangzarhna hun aneih hnuah Pu Rosangliana (Zorock) chuan a hla thar a sa a, chu mi chhung chuan constituency tin placard bearer leh flag bearer bakah players te rawn pen chhuakin hnam hla (National Anthems) play a nih hnuah lawmman sem zui a ni.

Apumpuiah Aizawl East I, Gold 25, Silver 18, Bronze 16 an champion a, pahnihna Aizawl West I, Gold 21, Silver 18, Bronze 18 an ni a,
pathumna Aizawl East II, Gold 17, Silver 11, Bronze 23 an ni.

Best Athletes mipaah Lalsangliana, Aizawl South I, chu thlan a ni a, Mizo inchai, Power Lifting, Insaihruaipawh, Wrestling free style leh Inbuanah goal a la vek a ni. Best Athletes hmeichhiaah Elisian Medai, Lunglei North (Gold 3, Silver 1) chu thlan a ni bawk.

Volleyball inkhelh laia nau hnute petu Lalvenhimi, Tuikum Constituency (Chhiahtlang) hi fa pakhat nei a ni a, B. A. zirtlai a ni a, Volleyball hi kum ruk lai a kjel tawh. Pro-division Club, Bethlehem Vengthlang VC player a ni mek bawk.

Mizo Sairawkherh inperhsiak-a Aizawl North III aiawh C Lalhruaia Kum 89 mi hi intihsiak tel zinga upa ber a ni a, Bronze medal a la nghe nghe a ni.

Sialsuk Constituency aiawh atel Vanlalchhuani Kum 71 Sialsuk, Aizawl South III hi inkawibah-ah telin Hmechhia tel zinga upa ber a ni bawk.

Aizawl South II aiawh atel Laltlankimi Vangchhia Kum 8 hi Tuihleuh intihsiak tel zinga naupang ber a ni bawk.

Champhai North Constituency aiawh atel Dawremthanga Kum 62 Hmunhmeltha khua hi 1981 leh 1985 khan atel tawh a, inbuanah gold ala ve ve tawh bawk. Kum 1990 khan Inchai leh Inbuanah Silver medal a dawng tawh bawk. Kumin 2019 hian tel mahse a in hliam avangin medal a dawng ta lo a ni. 

(adsbygoogle = window.adsbygoogle || []).push({});

Copyright © inkhel.com 2024. All rights reserved.