Mizoram Premier League (MPL) Season 8 khelh mekah November ni 1, Zirtawpni zan round 9 match hnihna Electric Veng FC leh Mizoram Police FC inkhelah Mizoram Police FC chuan 3-0 a Electric Veng FC hnehin point 3 hlu tak an hlawhchuak. He inkhelah hian Mizoram Police FC forward Malsawmfela chu Man of the match-ah thlan a ni.
Team pahnihte hi round 5-ah intawngtawhin Electric Veng FC hian 2-1 in an hneh a, an intawn vawihnihnaah erawh Mizoram Police FC chungnung zawkah an tang ta a ni. Mizoram Police FC hian point 15 neitawhin pahnihna an ni a, Electric Veng FC hian point 14 neiin pathumnaah an ni ta a ni.
Goal lut te hi first half leh second half-a lut an ni a, Mizoram Police FC tan R Malsawmtluanga (Msa) chuan goal hnih a khung a, F Lalrinpuia (Valpuia) chuan goal khat a khung ve bawk.
07:00 PM Electric Veng FC 0-3 Mizoram Police FC
(R Malsawmtluanga 35', 69', F Lalrinpuia 77')
MoM: Malsawmfela, Mizoram Police FC
Team pahnih te inkhel a hmuhnawm hle a, an innawr tawn zak zak hnuah Police chuan goal thunna hun tha neiin forward Malsawmfela leh F Lalrinpuia Electric Veng keeper Muansanga tan hna hautak erawh an thlen lo.
Electric Veng pawhin goal thunna hun tha nei ve bawkin box chhung chiah atanga Rammawi shot chu goal sirah a kal. Ramhlunchhunga'n Police keeper Muanawma chiah hmachhawn hnuah Muanawma'n a dan sak a, Lallawmtluanga shot tha zet chu Muanawma chuan a dan sak bawk.
Police chuan minute 35-ah an hun tha neih hmang tangkaiin R Malsawmtluanga chuan freekick atangin an hmahruaina goal a khung a, goal dang luhbelh lo in Police chuan 1-0 a hmahruaiin chawlhlawk an hmang ta a ni.
Second half-ah Electric Veng chuan an siphurh sut ngei tumin annawr a, box pawn chiah atanga Defender Dinpuia shot tha zet chu agoal dawn nia alan laiin goal chungah chiah a kal. Police chuan minute 69-ah an hun tha neih hmang tangkaiin R Malsawmtluanga bawk chuan freekick atangin an goal hnihna akhung leh ta a ni.
Electric Veng an talbuai tan a, Police erawh an phur tawh hle. Minute 77-ah mualdinglam sir atanga Sawmfela ball vawrh luh tha zet chu box chhunga awm F Lalrinpuia chuan hlap lutin an goal thumna a khung zui leh a, Electric Veng chuan huntawp thlengin an siphurh hi an sut thei tawh lo a, Police chuan 3-0 in hnehna an chang zui ta a ni.
November ni 5, Thawhlehni tlai dar 4:00-ah Electric Veng FC hian Chanmari FC an hmachhawn ang a, November ber ni 6, Nilaini tlai dar 4:00-ah Mizoram Police FC hian FC Venghnuai an hmachhawn ang.
(adsbygoogle = window.adsbygoogle || []).push({});