Mizoram Premier League (MPL) Season 8 khelh mekah November ni 6, Nilaini tlai round 10 match thumna FC Venghnuai leh Mizoram Police FC inkhelah Mizoram Police FC chuan 2-0 in FC Venghnuai an hneh. He inkhelah hian Mizoram Police FC forward Malsawmfela chu Man of the match-ah thlan a ni.
Goal lut te hi first half leh second half-a lut an ni a, first half-ah Mizoram Police FC tan Malsawmfela chuan goal khat akhunga, second half-ah Lalbiakhlua (Hlutea) chuan goal khat a khung bawk. Team pahnihte hi round 7-ah in tawngtawhin FC Venghnuai hian 1-0 in hneh mahse, an intawn vawihnihnaah erawh Mizoram Police FC an Chungnung zawk thung. Mizoram Police FC hian point 18 neitawhin pahnihna annih chhunzawm a, FC Venghnuai hian point 10 neiin parukna an ni mek bawk.
FC Venghnuai 0-2 Mizoram Police FC
(Malsawmfela 22', Lalbiakhlua 69')
MoM: Malsawmfela, Mizoram Police FC
First half-ah Police Chungnung zawkah tangi mahse goal hlauhawm an nei tam lo a, box pawn chiah atangin Malsawmfela leh F Lalrinpuia (Valpuia) shot tha zet chu a goal dawn nia alan laiin goal kham aper. Police chuan nawr chhunzawmin minute 22-ah annhin tha neih an hmangtangkai a, forward Lalfakzuala ball pek tha zet chu Malsawmfela chuan box-ah lalutin an hmahruaina a khung. FC Venghnuai pawhin an siphurh sut tumin nawr let ve bawk mahse, goal chance erawh an nei thei lo. Police chuan 1-0 a hmahruaiin chawlhlawk an hmang zui ta a ni.
Second half-ah Police bawk chungnung zawkah an tang a, goal hlauhawm erawh hmuh tur atam lo. FC Venghnuai pawhin an siphurh sutna hun tha nei mahse, midfielder Lalhruaitluanga'n maul veilam sir atanga a shot chu Police keeper Muanawma'n a dan sak.
Police chuan an hun tha neih hmangtangkaiin minute 69-ah box pawn atangin Lalbiakhlua (Hlutea) chuan mawi takin an goal hnihna a khung. Police chuan huntawp dawnah goal thun belhna hun tha neiin Man of the match atana thlan Malsawmfela'n box chhung chiah a tanga a shot chu FC Venghnuai keeper Lawmzuala'n a dan sak. Goal luh belh tawh lo in Police chuan 2-0 in hnehna an chang zuinta a ni.
November ni 8, Zirtawpni tlai dar 4:00-ah FC Venghnuai hian Mizoram Police FC an hmachhawn ang a, zan dar 7:00-ah Mizoram Police FC hian Aizawl FC hian an hmachhawn ang.