Mizoram Powerlifting Association (MPA) leh ZONET Cable TV Pvt Ltd buatsaih Mizo Pachak ber thlanna chu March ni 19, Thawhlehni khan Zarkawt Basketball Court-ah items pahnih Lei a tang Weight Plate inchawi kan rei siak leh Motor pawh kal hmangin inelna chhunzawm a ni a, Champion lai P. Lalchamliana chuan point 162 nei tawhin hmahruaitu a ni mek. Ngurthanzauva Sailo chuan point 143 neiin pahnihna a ni mek a, Abraham Lalthakima chuan point 141 nei pathumna a ni rih bawk.

Inenna hi ni ruk kalpui tawh a ni a, items sawm Buklung in char kan siak, Bungrua Truck Body a hlan kai, JCB ke innam leh siak, Lungtum inchawi siak leh Ritkhai chunga intlan siak, Motor inhnuh kal siak, Buhfai bag inthiar siak, Motor ke hnung zawnga in vawrh siak, weigh Plate inchawi kan tam siak leh Motor pawh kal hmangin in inelna neih tawh a ni. In tihsiakna items pathum hmabak ala awm.

March ni 22, Zirtawpni chawhma dar 11:00-ah Zarkawt Basketball Court-ah bawk item pahnih Kokia rit 150 kg pu chunga thutpui leh thawhpui leh Gas bur inchar rei siakin inelna chhunzawm leh a ni ang.

Items sawm point hmun dan

1) P.Lalchamliana, Lunglei (162)

2) Ngurthanzauva Sailo, Thingsulthliah (143)

3) Abraham Lalthakima, Tlangnuam (141)

4) Lalhriatrenga, Khatla South (117)

5) Jonathan Lalbiakhlua, Kulikawn (94)

6) Joseph Lalnunmawia Pautu, Ramthar (85)

7) Freddie Lalremruata, Upper Republic (74)

8) Eliza Malsawmtluanga, Thuampui (68)

8) Lalchhuanawma, Upper Republic (65)

10) Laltanpuia, Durtlang North (58)

11) K.Lalchhanhima, Bethlehem Vengthlang (52)

12) Zomuansanga, Bawngkawn (34)

13) Vanlalchhuanga, Ramthar North (21)

14) Joseph Laldinpuia, Lunglei (8)

15) V.S Laldinpuia, Nursery (6)

I tems neih tawh zawng zawng point  dinhmun

(adsbygoogle = window.adsbygoogle || []).push({});