Mizoram Powerlifting Association (MPA) leh ZONET Cable TV Pvt Ltd buatsaih Mizo Pachak ber thlanna chu March ni 22, Zirtawpni khan Zarkawt Basketball Court-ah items pahnih Weight plate (150+ kg) pu chunga thutpui thawhpui leh Weight plate (20 kg) in char rei siakin inelna chhunzawm a ni a, Ngurthanzauva Sailo chuan he item bikah hian (315 kg) a thutpui bakah a tawh kanpui thei a, Mizoram record siam thei awmchhun ala ni. Items pumpui point belh khawmin Champion lai P. Lalchamliana nen point 176 ve ve an nei tawh a, Abraham Lalthakima chuan point 167 neiin a sang pathum zingah ala awm ve bawk.

Inenna hi ni sarih kalpui tawh a ni a, items sawm pahnih Buklung in char kan siak, Bungrua Truck Body a hlan kai, JCB ke innam leh siak, Lungtum inchawi siak leh Ritkhai chunga intlan siak, Motor inhnuh kal siak, Buhfai bag inthiar siak, Motor ke hnung zawnga in vawrh siak, Lei a tang Motor inchawi kan tam siak, Motor pawh kal, Koki a rit 150 kg pu chunga thutpui thawhpui leh Gas bur inchar reisiakin inelna kal pui tawh a ni.

March ni 30, Inrinni zan dar 8:00-ah Hawla Auditorium-ah item hnuhnung ber Thingtum inchar tam siakin inelna neih leh tur a ni a, results puanna leh lawmman semin a zui ang.

Items sawm pahnih an point din hmun

1) P.Lalchamliana, Lunglei (176)

2) Ngurthanzauva Sailo, Thingsulthliah (176)

3) Abraham Lalthakima, Tlangnuam (167)

4) Lalhriatrenga, Khatla South (154)

5) Joseph Lalnunmawia Pautu, Ramthar (117)

6) Jonathan Lalbiakhlua, Kulikawn (113)

7) Eliza Malsawmtluanga, Thuampui (82)

8) Freddie Lalremruata, Upper Republic (81)

9) Lalchhuanawma, Upper Republic (78)

10) K.Lalchhanhima, Bethlehem Vengthlang (68)

11) Laltanpuia, Durtlang North (61)

12) Zomuansanga, Bawngkawn (37)

13) Vanlalchhuanga, Ramthar North (36)

14) Joseph Laldinpuia, Lunglei (11)

15) V.S Laldinpuia, Nursery (6)

(adsbygoogle = window.adsbygoogle || []).push({});