Mizoram Amateur Taekwondo Association (MATA) buatsaih Mizoram Open Taekwondo Championship vawi 14-na chu March ni 20, Nilaini khan Electeic Veng Indoor Stadium-ah tan a ni a. MSSC Secretary C.Laltlanthanga'n a hawng.

Hawnna inkhawm hi MATA President Dr.Rualkhuma Colney in a kaihruai a, Championship report MATA General Secretary Joseph Thansangan pe in MATA Mission Team ten an thiam thil hmuhnawm tak an entir bawk.

C.Laltlanthanga chuan infiammite chu Sport Deptt leh Sports council neitu ber an ni a ti a, inelnaah Champion ngei tura duhsakna a hlan rualin Gold medal hi a pawimawh ber lova, nungchang entawntlak nun neih a pawimawh zawk thu a sawi. Taekwondo infiammi kalkhawmte chu sorkar thil tum pawimawh tak tak catch the young te, Fit Mizoram te a taka tihlawhtlingtute an niin khawtlang duh loh suahsualna thilah Taekwondo player dik tak te chu an inhnamhnawih an in hmeh ve loh thu a sawi bawk.

He Championship ah hian District 6 Aizawl, Lunglei, Lawngtlai, Champhai, Kolasib, Serchhip) atangin team 24 telin particpant leh team official 420.an tel a. Participant naupang ber chu Lalrinsangi Armed Veng south niin kum 2 thla 5 a ni.

Category (mipa 15, hmeichhia 14) awmna open championship-ah hian Match 337 awmin qualified National leh state referee 23 ten an endik ang a, Poomsae leh Kyorugi hmanga inelin mimal lawmman bakah team lawmman 5-na thleng pek an ni ang. March ni 22, 2019 hian khar a ni ang.