Ni thum chhung awh (Dt 29th- 31st) Mizoram Chess Association leh Serchhip District Chess Association tangkawp buatsaih 21st Mizoram Open Chess Championship 2019 New Serchhip YMA hall-ah October ni 31, Ningani khan Chief Arbiter Pu Lalthazama National Senior Arbiter kaihhruaina in zawhfel a ni a, Pu David Laldintluanga, Serchhip chu pakhatna niin Trophy,Certificate leh Rs 20000/- a dawng.  Anthony F Lalṭhasanga, New Siaha,chu pahnihna niin Certificate leh Rs 15000/-a dawng a , Robert Runremmawia, Lunglei chu pathumna niin Certificate leh Rs 10000/- a dawng bawk

Mizoram Open Chess Championship-ah hi Round riat khelh niin round tin hi 1hr+ 15sec increment a rei zel a khelh a ni. Mizoram hmun hrang hrang atangin Chess khel thiam mi 60 chuang an tel.

Most Senior player leh Youngest Participant siam a ni a, Most Senior Player-ah Sakhawliana, Tlangnuam chu thlan a ni a, Youngest Player-ah Rampanmawia Champhaite chu thlan a ni bawk.