December ni 28-29, 2019 chhung khanGuwahati, Assam-ah 7th National Level North East Karate Championship neih a ni a, Mizoram Karate team chuan gold 5, silver 8 leh bronze 22, a vaiin medal 35 an dawng. Mizoram aiawh hian players 51 leh team official 4, an vaiin mi 55 an kal a ni. 

Mizoram State Sports Council chuan kum 2020-a a hmasa ber atan January ni 8, Nilaini chawhma dar 11:00 khan infiammite inpui, MSSC Office, Upper Khatla ah lawmpuina hun a buatsaih a, Pu F.Lalrinawma, MSS, Addl.Secretary, SYS chu khual lian a ni.

Khual lian chuan "Chan tawkah hian lungawi thiam a pawimawh laiin sports ah erawh lungawi chi a ni lova, a aia sang leh tha zawk kan beisei zel tur a ni" a ti.

Pu F.Lalrinawma chuan, Zirna leh sports hi tha taka kan kalkawp tir a ngai a, sports hian hriselna min pe a, mihring kan hrisel chuan zirna lamah pawh tha takin kan zir theih phah dawn a ni" tiin medal ropui leh sang zawk hlawhchhuak a, Mizoram leh India tihmingthatu ni vek turin duhsakna a hlan.

Mizoram Karate team hian individual team inelna atangin gold medal an dawng lova, individual inelna atangin medal 33 zet an dawng thung a. Senior Female team Kata ah silver an dawng a, senior male team Kata ah bronze medal an dawng bawk.

Karate team lawmpuina hun hi Pu Rosangliana, Adm.Officer chuan a kaihruai a, medal latu leh team official te hnenah a tih thin danin lawmpuina a hlan leh theuh a ni.

(adsbygoogle = window.adsbygoogle || []).push({});