03 May 2019 01:55

inkhel

Mizoram Junior Girls Team GSA ITI-an an hmuak

Hero National Junior Girls Football Championship, Maharastra a neih a kal Mizoram Team te chuan May ni 3, Zirtawpni chaw hma dar 10:00 khan tluang takin Aizawl an lo thleng. 

Aizawl an lo thlen hian GSA ITI Veng te chuan an lo dawng sawng a, thu ziak nen an mahni lawmna hun an lo hmang. Mizoram team hian vanduaithlak takin Gujarat Quarter Final ah an hneh lo a nih kha.

Vawiin an mahni lo hmuahna chungchangah GSA ITI Veng ziaktu Tv P Mawia chuan,' Mizoram team leh Officials te inpekna hi a ropui a, kan ram tan hah taka beitu te niin, mahni hun hlu kalsan tu te hi kan ngai hlu a, an tum ram thleng lo mahse, kan phak tawka lo dawn sawn hi kan hruaitute duh dan niin, kan ti hlawh tling thei hi kan lawm tak zet a ni,' a ti.

Mizoram team ah hian GSA ITI Vengin players 5 thawhin an ni hi chawimawina thuziak leh pawisa GSA ITI Veng hian an hlan nghal bawk.