26 Oct 2020 03:26

inkhel

Mizoram Jump Rope Final Round Contest hun sawn

Online Jump Rope Contest Final Round chu Hrileng avangin inkhuahkhirhna khauh zawk a kalpui a ni dawn avangin sawn hlat a ni. Jump Rope Contest Final Round inelna hi ruahmanna ang chuan October ni 27 atanga ni 30 chhung hian Dawrpui Multipurpose Hall-ah buatsaih tum a ni a, LPS Vision in Live Telecast in an pe chhuak dawn a ni.

Mizoram sawrkarin hri leng dona turin October ni 26 atanga November ni 9 thleng Covid 19 No Tolerent Fortnight a kalpui dawn avangin Yamaha Online Mizoram Jump Rope Contest chu huaihawt chi-ah Organizing Committee a ngai lova, a hun sawn zai an rel ta a ni. Inpuahchahna thui tak kalpui a ni tawh a, boruak awm dan thlir chungin Final Round hun tur hi OC ten thuchhuah siamin an rawn hriattir leh dawn a ni.

Sports & Youth Services Department & LPS Vision buatsaih Online Jump Rope Contest ah hi category 4, Junior Mipa leh hmeichhia, Senior Mipa leh Hmeichhiaah te a then a ni a. District 11 atangin mipa 71 leh hmeichhia 39 ten an video an thehlut a. Judge ten Final Round lut tur category tinah mi 10 zel an thlang chhuak ang a. Thlanchhuahte hian Hmun khatah kalkhawmin inelna an nei thung dawn a ni. Final Round lutte hi October ni 27 hian puan chhuah tum a ni a.

Jump Rope Contestant Top 3 te hnenah lawmman tangka fai leh ziakthumawi pek an ni ang a, Mimal lawmman dangte leh Top 10 tlingte hnenah lawmman pek an ni bawk ang.

Lawmman te:

1st Prize = Rs 30,000 + Certificate

2nd Prize = Rs 20,000 + Certificate

3rd Prize = Rs 10,000 + Certificate

Best Jump Roper = Grand Prize

Active Paricipation Prize = Tel tam ber hnenah