February 15, Zirtawpni tlai National Football Championship for Santosh Trophy North East Zone Qualifying Round Mizoram leh Meghalay chuan an match hnuhnung ber an khel a, Meghalaya chuan forward Kynsaibor Lhuid goal khat hmang a Mizoram hnehin final round an lut ta a ni.

February ni 16, Inrinni chawhma dar 10:00-ah Assam leh Manipur an inhmachhawn ang a, hnehna chang zawk zawkin final round an lut ang a, an inhneh tawk erawh chuan goal deference nei tha zawk Assam-in final round an lut ang.

02:00 PM Mizoram 0-1 Meghalay
(Kynsaibor Lhuid 30')

Goal awm chhun hi first half-a lut a ni a, minute 30-ah Meghalaya forward Kynsaibor Lhuid chuan free kick atangin mawi takin a khung a ni. Meghalaya chuan inkhel thunnun zawk mahse goal thun belhna hun tha vawi hnih bak an nei lo a, forward Kynsaibor Lhuid free kick tha zet Mizoram keeper T Mawia danper chu Donlad Diengdoh chuan goal goal sirah chiah a pet a, defender Banpynkhrawnam Lyngdoh Nonglait chuan a hun tha a hloh bawk. Goal dang luh belh lo in Meghalaya chuan 1-0 a hmahruaiin chawlhlawk an hmang.

Second half-ah Mizoram chuan inkhel thunnun zawk mahse an siphurh erawh an sut mai thei lo a, goal thunna hun tha erawh an nei nual a, box pawn chiah a tang a midfielder PC Lalmuansanga shot tha zet chu goal sirah chiah a kal hnuah MS Dawngliana chuan a hun tha neih a hloh bawk.

Hun tawp dawnah Mizoram chuan counter attack-in an nawr a, defender Imanuel Lalthazuala ball pek tha zet chu MS Dawngliana chuan goal sirah chiah a pet hnuah PC Laldinpuia leh Lalromawia shot tha zet chu a goal nia lan laiin goal sirah chiah a kal ve ve a, Meghalaya an him hram; Goal luh belh tawh lo in Meghalaya chuan 1-0 in hnehna an chang ta a ni.

February ni 16, Inrinni Fixtures
10:00 AM Assam vs Manipur

(adsbygoogle = window.adsbygoogle || []).push({});