22nd Junior Nehru Girls Hockey Tournament, Shivaji Stadium, New Delhi, (8-18 October 2015) a khelh zawh takah Sports & Youth Services department tirha kal Lallengvunga H/S Thenzawl Team-te chuan semi final-ah Baba Zorawar Singh Fateh Singh Secondary school(Punjab) chu 7 - 2 in an hneh zo ta lo.
Mizoram Team te hi kut ruak ngawtin an rawn hawng dawn lo, khel mawi ber lawmman Fair play Trophy an rawn hawn dawn a ni. Semi final-a Mizoram tana Goal khungtute hi Lalremsiami leh Merabi Lalruatfeli te an ni a.
Mizoram Team coach Lalrothuami(Btei) chuan,"Punjab naupangte hi pumruaah an lian zawk a, skills-ah pawh keini aiin an tha zawk. Mahse nakkumah erawh champion turin theihna kan nei ngei dawn a ni," tiin a sawi.A tirtu Sports department leh SAI chungah leh tawngtaipuitute chungah Mizoram coach hian lawmthu a sawi bawk a ni.
Nehru Hockey Tournament hi Priliminary round a chak team 12 ten Super league a khelh a. Mizoram chu Pool C a awmin Pool leader an ni. Semi final-ah Pool A leader Punjab nen an insu a. Mizoram hian Penalty Corner vawi 7 lai an hmua, penalty corner atangin goal khat chiah an khung a ni. Game-ah in hneh tawk viau mahse Goal lamah an vanduai hle. An hneh tak loh Punjab hian Govt.Girls H/S, Jarkhan chu 5-2 a hnehin an champion zui ta a ni.
Mizoram aiawhtute:
1. Ramsangliani(GK)- Dungtlang
2. R.Ramenmawii(GK) - Lunglei
3. Lalrinchhani - Kolasib
4. Lalremsiami - Kolasib
5. Marina Lalramnghaki - Kawnpui
6. R.Lalsangzuali - Sihphir
7. Lalrambeiseii - Sihphir
8. Lalchhanhimi - Serchhip
9. Lalrindiki - Hnahthial
10. Lalrinfeli - Hnahthial
11. Lalthanpuii - Hnahthail
12. Lalawmpuii - Tuipui'D'
13. Merabi Lalruatfeli - Tuipui'D'
14. Lalvenhimi - Rotlang
15. Agnes Malsawmkimi - Serchhip
Team Official
16. Lalrothuami SYS Coach
17. Jajan Topno, SAI Coach