Mizoram Table Tennis Hall-a Oil India Ltd. Mizoram Hexa League khelh mekah September ni 29, 2015 (Thawhlehni) zan khan The Smashers Vaivakawn leh Tuikhuahtlang Table Tennis Club ten an khingpui ve ve an hneh.
Rubber hmasa zawkah The Smashers Vaivakawn leh Mission Vengthlang Table Tennis Club te an inkhel a, The Smashers hian 4-1 in hnehna an changa, MHL Table-ah point 10 hmuin pathumna a\angin pahnihnaah an inhlangkai leh ta.
Match hmasa berah Mizoram No.2 ni mek Lalmalsawma (MVT) chuan B.Lalruatpuia (VVK) chu 3-0 in a hneh nghal. Sencond Singles-ah C. Vanlalruata (VVK) chuan an team dinhmun rawn siam\hain R. Lalliansanga (MVT) chu 3-1 in a rawn hneh veleh bawk. Doubles khelh zui a ni a, C. Vanlalruata leh Lalhmingmawia (VVK) te \angdun chuan Lalmalsawma leh V. Lalmalsawma (MVT) te inkawp chu 3-1 in an rawn hneh veleh a. Match 3-naah Singles inhnehtawk tak khelh leh niin Lalchhanhima (VVK) chuan Sailoliana (MVT) chu 3-2 in a hneh veleh bawk. He rubber-a Match hnuhnung ber singles-ah Lalruatpuia (VVK) chuan an team dinhmun rawn nemnghet lehzualin Mission Vengthlang tlangval R. Lalliansanga chu 3-0 ngawtin a rawn sawp a, Vaivakawn chu 4-1 in an chak ta a ni. Vaivakawn player C. Vanlalruata hi hemi zan atan Player of the Night-ah thlan a ni nghe nghe.
Rubber hnuhnung zawkah Ramhlun Sporting Club leh Tuikhuahtlang Table Tennis Club te intum lehin Tuikhuahtlang hian 3-2 in RSC hi an hneh veleh a, TKT hian MHL table-ah point 13 hmuin hma an la hruai chhunzawm ta zel a ni.
He rubber-ah hian RSC lam hi nidanga an in-set ngai loh angin an rawn in-set a, match hmasa berah Francis Lalhruaipuia rawn luh tirin ani hian Lalmuanawma (TKT) chu 3-0 in a rawn hneh nghal mai a. Match 2-naah Mizoram no.1 ni mek Isaac C. Lalsawmliana chuan (RSC) chuan awlsam takin Basanta Meisnam (TKT) chu 3-0 in a rawn hneh veleh bawk.
Table mawngphaha awm mek RSC hian chak tura match khat chiah chak an mamawh tawh laiin Doubles-ah C. Lalmuanpuia leh Lalmuanawma (TKT) te inkawp chu Isaac C. Lalsawmliana leh Lalzarzova (RSC) te \angdun chuan 0-3 in an hneh zo ta tlat lo mai. Match 4-na Singles-ah C.Lalmuanpuia (TKT) chuan R. Lalsangzuala (RSC) chu 3-0 hneh velehin match score 2-2 a ni ta. Deciding match-ah Basanta Meisnam (TKT) chuan Francis Lalhruaipuia (RSC) chu 3-0 a rawn hneh velehin Tuikhuahtlang hian 3-2 in hnehna an chang ta a ni.
Oil India Mizoram Hexa League hi October ni 1, 2015 zan hian Mizoram Table Tennis Hall, Kawltheihuan-ah khelh chhunzawm leh a ni ang a, Zonet Rihnim-ah Live-a tihchhuah leh a ni ang. Rubber hmasa zawkah Tuikhuahtlang Table Tennis Club leh Mission Vengthlang Table Tennis Club te an inkhel ang a, rubber hnuhnung zawkah Bungkawn Games & Sports Association leh Mission Veng La Paloma te an inkhel ang.
Inkhel leh turte thlirlawk na:-
TUIKHUAHTLANG Table Tennis Club
Tuikhuahtlang TT Club hian rubber 7 khel tawhin rubber 6-ah hnehna an chan avangin playing arena hi an inti neitu viauin a rinawm. Anni team-ah hian Senior player, rilru leh taksa fitness lamah pawh mite chunga leng C. Lalmuanpuia leh Basanta Meisnam an neih avang hian Mission Vengthlang nen hian an inchai hlein a rinawm. Anni team hian an senior player-te avang hian chakna chance an nei \ha viau a ni. Coach-ah pawh Rev. Lalneihvura hmang ngat hian engti ang takin nge an inrem leh ang tih hi hmuh a chakawm tawh khawp mai. Player naupang left hander ni lehnghal, pressure nei miah loa senior bula khel thei an la nei hian an team a ti strong zual hle a ni. Tin, Junior Fighter pahnih Lalkohbika leh Lalmuanawma te hi an rawn lut leh a nih chuan a hma aiin an rawn che \ha lehzualin a rinawm a, an team member Chanchinmawia leh Anti Spin player Lalmuanawma te pawh hi rawn luh tir se an la duai lo viau a ni.
Mission Vengthlang Table Tennis Club
Mission Vengthlang TT Club hian Youth No.1 leh Men's No. 2 ni kawp, Lalmalsawma an nei a, ani hi an 1st player-ah an hman ngei a rinawm a, player dang an set dan tur erawh sawi lawk a har viau thung. Men's No. 13 R. Lalliansanga bakah defensive player \ha tak leh Men's 35+ No. 3 ni bawk Sailoliana te, Antispin rubber hmang chunga attacking player \ha tak Malsawmkima te, player tlo leh hlah mawh tak V. Lalmalsawma te an ni nawk mai a, rawlthar player an neih C. Vanlalhmangaihzuala lah hi Youth No.10 ni lai a la ni cheu. Player mal tin en chuan rem sual theih loh anga lang ni mah se an coach-in tu tute nge a khelh tir dawn tih chu zaninah chauh a hriat dawn a ni. MVT tan hian chak loh thiang tawh lo a nih avangin zaninah pawh theihtawp an chhuah a ngai takzet ang.
BUNGKAWN GAMES & SPORTS ASSOCIATION
Tun Hexa league-a team strong ber pawla ngaih Bungkawn hian India Champion leh International Gold Medalist lo ni tawh David Zodinpuia an neih avang hian an team member an inringtawk viau a, ani hian Match hnih a la chhuak thei tura rin a ni bawk. Anni team hi team combination nei tha tak leh in-support tha em em an nih avang hian an tum tur La Paloma lam hi an lo inkiltawih mai ang em? Tin, tunlaia player improve ber leh discipline nei \ha, veikhawr ni lehnghal Lalruatsanga an la nei cheu mai! Ani hi singles bakah Doubles specialist a la ni cheu hian an team hi a va tiphuisui dawn em! Player tlo leh inthlahdah ngai lo Samuel Lalhriatpuia an la nei a, boruak siam thiam leh player puite motivate thiam tak Lallianchhunga te nen. Engti ang takin nge an Coach-in a rem ang, a rem dan hian an tum tur La Paloma lakah hian kawngro a su thui dawn si, match hmuhnawm tak tura rin a ni.
Mission Veng LA PALOMA
La Paloma TT Club hi Table Tennis Club hlun tak an ni a, player pawh an nei \ha rual khawp mai. An player en hian rinrawl ber tur leh strong player tia han sawi tur nei lo mah se, an that rual em avang hian team hlauhawm taka sawi theih an ni thung. An team captain Lalremruata Ralte hi Mizo zinga India Cup khel thei awmchhun a ni a, ani hi game experience nei \ha tak a nih avangin an team khelh dan tur hi a remthiam hle turah ngaih a ni. Team setting lamah an player-te an rual avangin duh dan danin an in-set thei mai dawn avangin anni team hi enhniam theih an ni lo hrim hrim.
MHL-ah hian Doubles hi a pawimawh em em a, anni team hian Doubles specialist nei lo mah se player \ha rual \hap an nih avangin doubles-ah pawh an hlauhawm viau tura ngaih an la ni leh cheu. Leitlang tlangval, table tennis-a chuai thei lo leh che chhe thei lo ni hiala sawi B. Vanlalmuanpuia an nei a, tunlaia player taima bera sawi Ramduhsanga te, Player serious Henry Lal\anpuia te, Vetaran player leh zam ngai lo F. Lalramdinliana te bakah Junior Player tha, Mizoram nghahfak Khamlianthanga te \angrual hi team hlauhawm ber pawl an ni ngei ang. An Club neitu Pu C. Hmingthanzama hian a naute hi engti ang takin rawn remchhuak ang