Mizoram Hexa League Season I zan 10 na khel zawh a ni

25th September 2015, 06:09PM

Mizoram Hexa League Season I zan 10 na chu september 24, 2015 Ninga zan khan MTTA Hall, Kawltheihuan, Mission Veng-ah khelh chhunzawm leh a ni a. Rubber hmasa zawkah hian first leg-a match hnuhnung ber-ah damkhawchhuah inchuhin table mawng lama tankhawh ve ve Mission Vengthlang TT Club leh Ramhlun Sporting Club te thih tha-in an inbei a, Mission Vengthlang chuan 3-2 a hnehna chang hramin, final luh beiseina mei an la chhem nung zui zel a. Rubber hnuhnung zawk-ah second leg match hmasa ber khelh ve thung niin, table hmahruaitu Tuikhuahtlang TT Club leh an hnuai chiah-a awm Bungkawn Games & Sports Association te an innuai ve leh thung a. Tuikhuahtlang-in 3-2 bawk a hnehna changin table lerah an dinhmun an sawhnghet zui zel.

Mission Vengthlang an la dam e

Table-a a hniam ber Ramhlun leh an chung chiaha awm Mission Vengthlangte inkhel a hmuhnawm. Anni pahnih hi a chak lo zawk zawk tan final lut tura kawng a ping tluk a nih zui mai dawn avangin, thih tha tak meuh a an \an a ngai a, an sa huai ber ber thehchhuakin risk lak pawh a ngai thui dun viau tawh.

Mission Vengthlang lamin an match hmasa lama an strong player-a an hman char char Mizoram champion lai Lalmalsawma chu fourth singles leh doubles Liansanga nen khel turin setting an tidanglam a, strong player-ah veteran Lalmal-a an dah thung a, second singles khel turin blocker \ha Sailoliana an tir lut thung. Ramhlun lamin an strong player ngai bawk Mizoram No.1 Isaac-a dintir lehin second-ah Serchip rawlthar Zui-a an luhtir a, doubles-ah Zarzova leh Francis-a te an dah a, fourth singles khel turin Zarzova an dah bawk.

Inkhel hmasa ber-ah Mission Vengthlang tan Veteran Lalmala'n harsa lutuk lovin Ramhlun tana rawn ding Zuia lakah hnehna changin 1-0 in hma an hruai phawt a. Inkhel pahnihnaah Ramhlun tan Isaac-a chuan Mission Vengthlang blocker Sailolian-a a hneh ve leh a. Inkhel inhnehtawk leh hmuhnawm taka khelh hmasa lama beisei pha lo Sailoliana a che \ha viau chungin Mizoram No.1 Isaac-a a ding chang ta tho.

Doubles-ah Mission Vengthlang pair Lalmalsawma leh Liansanga te'n 3-0-a Ramhlun hnehin an hmahruaina an sawhnghet a. Ramhlun tan thih leh thih a ni ta. Fourth singles-ah Mission Vengthlang thiampuia pa Lalmalsawma'n Ramhlun tana khel \ha \hin tak Zarzova lakah hnehna changin, 3-1 a ni a Mission Vengthlang an thawhhuai ngei ang. Inkhel hnuhnung ber-ah Ramhlun tan Isaac-a'n Lalmala lakah hnehna chang mahse awmzia a nei thui lutuk ta lo va, Mission Vengthlang chuan 3-2 in hnehna an chang a, second leg khelh turah hnehna an chang chho zel a nih chuan final thlen beiseina sang tak an la nei a, Ramhlun tan erawh a chhiarkawp dan chuan beiseina chhete la awm mahse a tak takah chuan beisei tur a awm tawh lo a ni ber mai e.

Tuikhuahtlang-in club dang an chhuk bih

Ninga zana inkhel hnuhnung zawk hi second leg match hmasa ber a ni. Hmahruaitu inchuhna boruak sang tak hnuaiah hmahruaitu Tuikhuahtlang chuan an mawng hiat pha renga anmahni umtu Bungkawn lakah 3-2 a hnehna chang hramin table-ah an hmahruaina an sawhnghet zel.

Tuikhuahtlang leh Bungkawn hian strong player thlak kual a, team siksawi thei turin player \ha an kawl ve ve a, hei hi an vanneihna a ni. Tuikhuahtlang lamin Mizoram No.1 lo ni tawh Basanta leh C.Muana te strong-ah dahchhawkin an duh angin team an 'set' thei a. Bungkawn lam pawhin tunlai Mizoram rawlthar \ha ber pakhat Lalruatsanga leh India No.1 pawh lo ni tawh David Zodinpuia te an neih avangin team han siksawi an harsat bik lo va, an inkhel turah setting fuh in kawng ro a su thui viau dawn tih a lang reng mai.

Bungkawn lamin David-a fourth singles leh doubles-ah Samuel-a nen \ang dun turin dahin; Ruatsanga chu strong player-ah an dah a. Second-ah Chhungpuia a dah bawk a. Tuikhuahtlang lamin chuai thei lo Basanta chu strong-ah dahin, second-ah C.Muana an dah a, rawlthar duhawm Muanawma nen doubles an veng nghal bawk a. Fourth singles-ah veteran player Mamuana an dah ve thung.

Fans nei tha ve ve inkhel an ni bawka inkhelh \an hma a\angin fans te khuang nen an in au rinsiak nghal a ni deuh mai a. Inkhel hmasa ber a\angin inkhel hmuhnawm leh boruak sang tak kan hmu nghal. Bungkawn tan Ruatsanga a rawn ding chhuak a, Tuikhuahtlang lam a\angin amah su tur hian first leg-a a hneh loh tawh C.Muana a rawn din ve thung. Inkhel an \ana Ruatsanga'n a kum naupan anga en ngawt chi a nih loh zia lantirin 2-0 in hma a hruai nghal mai a. Tuikhuahtlang innghahna C.Muana \ang let a pui kher hle a, game 2 la ve lehin 2-2 a ni. Deciding match hmuhnawm takah point an inhmuhsan chhawk zak zak a, a tawp lamah C.Muana'n hnehna a chang thei mai dawna a lan hnuah Sangtea chuan \ankhawh lehin 3-2 in C.Muana lakah phuba a la a, fans authawm ring tak hnuaiah Bungkawn-in 1-0 in hma an hruai.

Inkhel pahnihnaah Tuikhuahtlang lam tan Basanta a rawn ding chhuak a, Bungkawn lam tan first leh-a Basanta hmaa lo chak lo tawh Chhungpuia rawn chhuakin phuba lak tum viau mahse harsa lutuk lovin Basanta chuan 3-0 in hnehna a chang ve leh mai a, 1-1 a ni. Hall chhunga fans te boruak a ropui hle a, inkhel boruak pawh a sang tial tial.

Doubles-ah Tuikhuahtlang pair hneh loh la tawng lo C.Muana & Muanawma te hmachhawn turin Bungkawn lamin hneh loh la tawng bik lo David & Samuel-a te an thawhchhuahtir a. Team pahnihte team setting enin doubles lak ngei an tum tih a chiang sa bawk a, beisei ang ngeiin an inkhel a hmuhnawm. First Set Tuikhuahtlang lamin an la a, second set-ah pawh point 4 vel-in hma an hruai leh hman a, mahse Bungkawn pair te'n an pawtthla leh. Third set chu Tuikhuahtlang bawkin an la leh a, Bungkawn lam insang mar-in fourt set an rawn la ve leh ta a, deciding khelh a ngai. Deciding-ah pawh point an inhmuhchhawk zak zak a, a tawpah Tuikhuahtlang-in 3-2 a hnehna chang hramin 2-1 in hma an hruai zui.

Fourth singles-ah Bungkawn lamin David-a an thawhchhuak a, Tuikhuahtlang lamin Veteran player Mamuana an tirchhuak ve bawk a. Harsa lo tak maiin David-ah 3-0 in hnehna a chang a, 2-2 ni zuiin, a chak zawk inching fel turin Bungkawn strong player Ruatsanga leh Tuikhuahtlang strong player Basanta te Deciding match-ah an innuai ve leh. Tawnhriat ngah Basanta chuan set khatna a la phawt a, set hnihnaah rawlthar Ruatsanga \ang letin set a la ve leh a.Basanta bawkin a tawnhriat leh thiam hrang hrang hmangin Set thumna a la leh a. Set 4-naah pawh Basanta hian hnehna chang zui lehin Ruatsanga lakah 3-1 in hnehna a chang a, Tuikhuahtlang chuan 3-2 a hnehna changin table hmahruaitu an nih chhunzawm ta zel a ni.

Bungkawn leh Tuikhuahtlang te hi fans nei \ha ber tia chhal ngam khawpin veng chhung mipuite'n an team-te an \awiawm \ha a. Changkang takin fans lam an che a, au hunah theihtawp-a au-in reh hunah an reh diak a, Bungkawn leh Tuikhuahtlang fans te hian Hall chhung boruak an tinuam a, player te chakna an pe a, game an tihlu a, an fakawm tak meuh meuh a ni.

Copyright © inkhel.com 2024. All rights reserved.