44th National Sub Jr.Basketball Championship 2017 chu Didwana, Rajasthan-ah khelh mek a ni a, Mizoram Basketball team chuan an match hmasa berah Himachal Pradesh 52-42 in an hneh.

An la tlangnel lohna khelmualah Mizo naupangten bul an tan tha tawk lo hle a, an big man pahnih an la chhawr thei lo bawk nen quarter hmasa berah 10-11 in an hnufual a, mahse insiamtha chhoin quarter hnihnaah an game a kang chho hle a, half time-ah 22-14 in hma an hruai thei tawh a ni. Second half-ah Mizoram game a mar tha zui hle a, inkhel thununin a tawp thlengin an hawikir tawh lo.

Bul tanna a ni bawk nen Mizoram team game-in beisei a pha rih lova, insiamthatna tur tam tak an neih thu Coach KC Lalliantluanga chuan a sawi a, game hmuhnawm leh tha zawk khelh leh hunah khelhchhuah ngei a beisei thu a sawi. Mizoram team hi Group D-ah Kerala, Chandigarh, Himachal Pradesh leh Tripura nen an awm ho a, India rama State hrang hrang 30 telin Group 6-ah thendarh an ni.

Mizoram team hian Oct.9 (Thawhtanni) zan dar 7:30-ah Kerela an inhmachhawn leh ang a, Oct.10 zing dar 7:15-ah Chandigarh nen an inhmachhawn leh bawk ang.

Mizoram Basketball team hi Head Coach : KC Lalliantluanga, NIS, Asst. Coach : Vanlalnunsanga, FIBA Level 1 leh Manager : Lalhruaitluanga ten hruaiin BFI Referee exam turin Z.D Denghmingliana a kal tel bawk a. Oct. 1 khan Mizoram team hian Aizawl an chhuahsan a ni.

(adsbygoogle = window.adsbygoogle || []).push({});

Mizoram aiawha fehchhuak te:

1) Lalhruaitluanga - Republic Vengthlang

2) Johan Lalthianghlima - Khatla South

3) C.Malsawmpuia - Tuikual South

4) Jacob Lalfakzuala - Upper Khatla

5) C.Lalrinpuia - Tuikual South

6) H.Lalhmachhuana - Khatla South

7) V.L. Remruatpuia - Ramhlun Venglai

8 Lalhmangaihzuala - Khatla East

9) Lalhnehpuia - Zarkawt

10) Shaun Lalremruata- College Veng

11) Lalruatkima - Zarkawt

12) J.Sangzuala - Ramhlun North

(adsbygoogle = window.adsbygoogle || []).push({});