Vawiin chawhnu dar 1:00 khan HYVE, Aizawl City Hall (Tuikual South)-ah Mizoram Arsenal Supporters' Club (M.A.S.C), India chu ARSENAL hmunpui North London atanga Official Fan Club an nih pawmpuina leh hriatpuina Pathian hnêna hlanna leh tlangzarhna neih a ni.

He hunah hian M.A.S.C O.B, Adviser leh Executive Committee Member chinte kalkhawmin hun tâwi hman a ni. He hun hi M.A.S.C President Pu Alvin Lalruatfela chuan a kaihruia a, Tv ZD Lalrinfela (Adviser) chuan HUNSERH hmangin Pathian hnêna hlanna a nei a ni.

Zomuansangi Pachuau chuan Pathian fakna hla mawi tak sa in hun a hmang a, Secretary Tv. Lalnunfela Hlawndo chuan report kimchang tak felfai taka pe in kalkhâwmte inhmelhriattîrna hun a nei. M.A.S.C-te London in Official Fans Club a a pawmpuina lehkha chu Financial Secretary Tv. Michael Lalchhuanawma chuan pawtparhin a tlangzarh a, lawmthu sawina funkim tak mai Robert L. Tlau (Adviser) chuan neiin he hun hi Chairman chuan a ti tâwp a ni.

M.A.S.C, India chuan he pâwl an dinchhanah Mizoram Arsenal tantute tân liau liau a nih piah lamah he pâwl hmanga Mizo Khawtlang tâna thil tha tih an tum thu te, tanpui ngaite tanpui kawngah leh ARSENAL hmanga Mizo tâna thil tha an tih theihna zawng zawngah theihtawp chhuah an tum a, Pathian chakna dîla kal zêl an tum a ni.

ARSENAL F.C avanga Mizo Thalaite an inpumkhat thei a official taka pawmpuina an hmu thei chu an lâwm hle a, inlungrual taka kal zêl a awmze nei leh tangkai zâwka an hmangaih ARSENAL avanga theihtawp chhuaha hnathawh zêl an tum a ni. MASC hian a hmachhawpte tih hlawhtlin tumin an bei chho mêk a, Mizo Arsenal tantute member nih theihna hunte hawn an tum hnâi a ni.