All India Open MMA Tournament, Guwahati, Assam-a 19-20 August, 2017-a neih zawh takah Mizoram State MMA Association (MISMA) an che țha hle.

Guwahati-a Assam National Open MMA Championship neih mekah Mizoram Fighter-te an che tha hle. Mizo Fighter-te hi MISMA tirh niin an dinhmun hetiang hian :

1) PC Vanlalthuammawia, Țhuampui (-65kgs) : Round of 16-ah a khingpui Triangle choke-in a hneh a, quarter final ah tko in a chak a semi final ah guillotine choke in a chak leh a, final unanimous in a chak lo. Silver a la.

2) Vanlalchhuanga, Dawrpui Vengthar/ Lannians (-57kgs): Round of 32-ah KO -in a hneh a, round if 16-ah Guillotine choke-in hneh leh a, quarter final ah tko in a chak a , semi final ah split in a chak lo va bronze a la.

3) Joshua Hmangaihliana, Vairengte (-61kgs): Round of 32-ah a khingpui KO-in a hneh a, round of 16 ah retirement in a chak, quarter final ah second 11 chhungin a ko leh, semi final ah split decision in a chak, final ah decision in a chak a, gold a la.

4) Dengthanchhunga (-65kgs), Kulikawn: Round of 16-ah a khingpui retirement-in a tlawm a, quarter final ah arm bar in a hneh a, semi final ah arm bar thovin a hneh leh a final unanimous in a chak a, gold a la.

5) Ngurlianzuala Sailo, 3rd MAP (heavyweight): semi final ah tko in a chak a , final ah unanimous decision in a chak a, gold a la.

6) Lalvenhimi (-52 kgs female), Khawhai, Bethlehem Vengthlang: Semi final ah tko in a chak a , final ah tko thovin a chak a second 44 ah , gold a la.

He event hi All India MMA Association sanction a ni a, state 10 ațangin fighter 150 an tel. Assam tui lian vanga kal thei lo pawh an awm țeuh. Mizo official te pawh hma hruaitu n ni a, Samuel Lalrozama chu Event commissioner/Head referee niin mizoram ațangin Lalțhakima (MISMA President, R&J), Andrew Zonunsanga (R&J), Rosie Lalduhawmi (cutman), Francis lalfakzuala (Manager) leh Lalremruata Hauhnar (team coach) te an tel.